Бу ҝүн Сумгајыт Шәһәр Мәһкәмәсиндә һаким Зејгәм Һусејновун сәдрлији илә Азәрбајҹан Ислам Партијасынын сәдр мүавини Ариф Гәнијевин ҹинајәт ишинә даир мәһкәмә просеси кечирилиб. Ариф Гәнијевин вәкили Анар Гасымлынын ФактХебер.ҹом-а вердији мәлумата ҝөрә, һаким Зејгәм Һүсејновун сәдрлији илә кечирилән просесдә һөкм охунуб. Һөкмә әсасән, А. Гәнијевин 1 ил 6 ај мүддәтинә азадлыгдан мәһрум едилиб.
Гејд едәк ки, Ариф Гәнијев өтән илин августунда МТН тәрәфиндән зоракылыгла сахланылмышдыр. Ону Ҹинајәт Мәҹәлләсинин 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә шәрләјәрәк һәбс етмишләр.
Диггәт: Хәбәрдән истифадә етдикдә мәнбәјә истинад лазымдыр
