Әһли Бејт -АБНА- хәбәр аҝентлијинин вердији хәбәрә әсасән Ајәтуллаһул-Үзма Шејх Нури Һәмәдани Русијанын Иран Ислам Республикасындакы фөвгәладә вә сәлаһијјәтли сәфирини вә Ислам Әмәкдалыг Тәшкилатындакы нүмајәндәсини гәбул едиб.
Илк өнҹә Ајәтуллаһ Нури Һәмәдани бир мүддәт өнҹә Русијаја етдији сәфәрә тохунараг Русијада һөрмәт вә еһтирамла гаршыланмасы долајындан тәшәккүр едиб. Даһа сонра Ајәтуллаһ Нури Һәмәдани дүнјада баш верән просесләрә ишарә едәрәк дејиб ки, Ислам дини бүтүн дүнјаја вә инсанлара аиддир вә бу сәбәбдән бу ҝүн дүнјада баш верән проблемләрә ҹаваб вермәк игтидарындадыр.
Шејх Нури Һәмәдани дејиб ки, Гәрб ҹамааты бу ҝүн игтисади проблемләрлә үзбәүз галыблар ки, Ислам буну һәлл етмәјә гадирдир. Мәрһум Имам Хомејни Горбачова мәшһур мәктубунда да буна ишарә едәрәк бујурмушду ки, сизин проблеминиз игтисади чәтинлик дејил. Сизин проблемләринизин сәбәби сизин дөвләт гурулушунуз вә системиниздир. Әҝәр Ислама тәрәф јөнәлсәниз, Ислам сизин проблемләринизи һәлл едәр.
Тәәссүф ки, бу ҝүн бәзи әрәб өлкәләри, о ҹүмләдән, Сәудијјә Әрәбистаны, Гәтәр, Бәһрејн вә с. Ислам тәлимләринин әксинә һәрәкәт едәрәк АБШ-ын вә мүстәмләкәчиләрин нөкәридирләр дејән мәрҹеи-тәглид билдириб ки, Сурија бу ҝүн Исраилин мүгабилиндә дајаныб, мүгавимәтә көмәк етдијинә вә стратежи әһәмијјәтә малик олдуғуна ҝөрә ону биздән ајырмаг истәјирләр. Әҝәр онларын үрәкләри мүсәлманлар үчүн белә јанырса, нијә диҝәр әрәб өлкәләриндәки халг ингилабларына јардым етмирләр?!
Һәгиги Илсам һәзрәти Рәсуләллаһын(с) ачыгламышдыр вә шиәләр дә бунун ардынҹа ҝедирләр дејән Ајәтуллаһ Нури Һәмәдани дејиб ки, Мисирин мүфтиси өзү билдирмишдир ки, бәшәријјәтин јашајышыны идарә едә биләҹәк ән ҝөзәл програм һәзрәти Әлинин (әлејһис салам) Малик Әштәрә јаздығы трарихи мәктубда бәјан едилмишдир.
Ајәтуллаһ Нури Һәмәдани мүсәлман өлкәләриндә инсанларын террор гурбанлары олмасына тохунараг дејиб ки, Сәудијјә Әрәбистаны ваһһабилијин һамисидир вә ваһһабиләрә дәстәк верир вә мүсәлман өлкәләриндә инсанларын гәтлә јетирилмәси һәмин ваһһабиләрин әли илә баш верир.
Дүнјада баш верән Ислами ојаныша да тохунан мәрҹеи-тәглид дејиб ки, биз ҝәрәк ајыг олаг ки, дүшмәнләр бу ојанышы мүсадирә етмәсинләр. Бунун үчүн исә мүсәлманларын вәһдәти зәруридир.
Ҝәләҹјин парлаг олаҹағына инандығыны билдирән алим дејиб ки, сонда һагг мүтләг галиб ҝәләҹәкдир. Мисир ингилабыны биз башга әрәб өлкәләриндә мүшаһидә едәҹәјик. Вә нә Бәһрејн кралы вә нә башга мүсәлман рәһбәрләри өз тахтларында галмајаҹаглар. Чүнки ган төкән һөкүмәтләр Пәһләви шаһы вә диҝәр ган ичән диктаторлар кими сүгута уғрајаҹаглар.
Диггәт: Хәбәрдән истифадә етдикдә мәнбәјә истинад лазымдыр
