Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы Али Мәһкәмәсинин сәдри Ајәтуллаһ Амули Лариҹани Али Мәһкәмәнин рәјасәт һејәтинин иҹласында нүвә алими Әһмәди Рөвшәнин шәһид олмасы мүнасибәтилә тәслијәт дејәрәк террорун сифаришчиләринә вә төрәдәнләрә хитаб едәрәк дејиб ки, Гәрб ҝәрәк билсин ки, әҝәр террор јолуну сечибләрсә, мүтләг дејил ки, Иран өз алимләринин вә ҹаванларынын ганынын интигамыны алаҹаг. Лакин дүнјанын мүхтәлиф нөгтәләриндә јашајан милјонларла мүсәлман онларын ҹавабыны верәҹәкләр вә бунунла Гәрбин мүсәлман алимләринә вә ҝәнҹләринә тәзјиг етмәсинә иҹазә вермәјәҹәкләр. Вә әҝәр Гәрб мүсәлман алимләринә тәзјигләрини давам етдирәрләрсә, өзләри аҹынаҹаглы нәтиҹәләрлә үзләшәҹәкләр.
Али мәһкәмәнин сәдри бу террору төрәдәнләри "мүфсид фил-әрз"(шәри терминдир ки, мәнасы јер үзәриндә фәсад төрәдән демәкдир вә һөкмү өлүмдүр) адландырараг һүгуг-мүһафизә органларындан һәмин шәхсләри тез бир заманда һәбс едәрәк әдлијјә органларына тәһвил верилмәсини истәјиб вә дејиб ки, Али Мәһкәмә бу террорларда әли оланлары тез бир заманда мүһакимә едәҹәкдир ки, һәмин шәхсләрин дә һөкмү едамдыр.
Диггәт: Хәбәрдән истифадә етдикдә мәнбәјә истинад лазымдыр
