Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Сәрһәд Гошунлары команданы Һүсејн Зүлфүгари бу ҝүн сәһәр бир мәтбуат конфрансында Сәһәр каналы мүхбиринин Азәрбајҹан Республикасы рәсмиләринин сөзләри илә бағлы суалына ҹавабда дејиб:" Сон вахтлар, Азәрбајҹан Республикасы сәрһәдчиләри силаһлы сурәтдә Иран торпағына дахил олмушдулар. Онлар бир һүҹум шәкилиндә бизим сәрһәд мәмурларымыза јахынлашма вәзијјәтиндә иди вә бизим гүввәләрин хәбәрдарлығы илә ики Азәрбајҹан Республикасы сәрһәдчиси өз силаһыны јерә гојду. Лакин онларын бири һүҹум вәзијјәтиндә бизим мәмурлара тәрәф јахынлашма вәзијјәтиндә иди ки, сәрһәдчиләримиз бу Азәрбајҹан Республикасы забитини ајағындан вурмаг нијјәти илә атәш ачыблар. Лакин ҝүллә сәһвән бу шәхсин гарын наһијәсинә дәјир вә о вәфат едир. Азәрбајҹан Республикасынын Сәрһәд Гошунлары өнҹә иддиа етди ки, тоггушма һәмин өлкәнин әразисиндә баш вериб. Анҹаг бизим гүввәләримиз ҹәназәни Иран сәрһәдинә көчүрүбләр".
Һүсејн Зүлфүгари Иран сәрһәдчисинин Азәрбајҹан Республикасы гүввәләри тәрәфиндән шәһид едилмәсинә ишарә едәрәк, әлавә едиб:" Азәрбајҹан Республикасы сәрһәдчисинин өлүм һадисәсиндән сонра һәмин өлкәнин гүввәләри бизим силаһсыз олан бир әсҝәримизи 14 ҝүллә илә шәһид етдиләр ки, бу да Азәрбајҹан Республикасы мәмурларынын гәсдән атәш ачдыгларына дәлаләт едир. Әҝәр онлар анлашма вә һәмкарлыг иддиасындадырларса, онларын рәфтарлары илә сөзләри бир-бириндән фәргләнмәмәлидир. Онлар әмәлдә дә сөзләри кими олмалыдырлар".
Иран Ислам Республикасынын Сәрһәд Гошунлары команданынын сөзләринә ҝөрә Азәрбајҹан Республикасындан Ирана орган гачаг едилмәси еләҹәдә Ирандан наркотик маддәләрин транзит олунмасына даир иттиһамларын ағ јаландан башга бир шеј олмадығыны билдирәрәк, бу кими иттиһамларын вурулмасыны бир өлкәјә лајиг олмајан һәрәкәт адландырыб.
Һүсејн Зүлфүгари сонра дејиб:" Наркотик маддәләрә гаршы мүбаризә истигамәтиндә Иранын шәрг сәрһәдләриндә 4 мин нәфәрин шәһид едилмәси Иранын бу саһәдәки мүбаризәләринин бариз нүмунәсидир. Бүтүн өлкәләр буна ҝөрә Ирана борҹлудурлар.
Иранын Сәрһәд Гошунларынын команданы сонра сөјләјиб:" Азәрбајҹан Республикасынын достлуг иддиасыны бу кими икили рәфтарларла гәбул едә билмәрик. Онлар билмәлидирләр ки, биз тәһлүкәсизлијә малик олмајан автомобилләрлә азугә вә јанаҹағын Нахчывана көчүрүлмәсинә иҹазә веририк".
Диггәт: Хәбәрдән истифадә етдикдә мәнбәјә истинад лазымдыр
