Әһли Бејт -АБНА- хәбәр аҝентлијинин вердији хәбәрә әсасән: Ислам Дүнјасынын али Дини Лидери Ајәтуллаһ Сејјид Әли Хамнеји Иран Ислам Республикас хариҹи ишләр назири, назирлијин јүксәк вәзифәли шәхсләри вә Иран Ислам Республикасынын хариҹи өлкәләрдәки сәфирләри илә ҝөрүшүб.
Ајәтуллаһ Имам Хамнеји Иран Ислам Республикасы дипломатларынын үзәринә дүшән вәзифәләр барәдә чыхыш едиб, реҝиондакы вәзијјәт, гәрб өлкәләриндәки просесләр һаггында данышыб.
Имам Хамнеји бујуруб ки, гәрб өлкәләриндә Ислам сөзү ваһимә вә нараһатлыг јарадыр: “Ислам Дини империализмин әсасларына, јәни зүлм, тәҹавүз вә ишғалчылыға гаршы мүбаризә апарыр. Сон ајлар реҝионда ҝедән просесләр заманы онлар халг етиразларында Дини Идеолоҝија әламәтләринин өзүнү бүрузә вермәсиндән, сечкиләрдә Исламчыларын галиб ҝәлмәсиндән нараһат олдугларыны ачыг-ашкар нүмајиш етдирмишләр”.
Имам Хамнеји һәзрәтләри гејд едиб ки, бир вахтлар Әнвәр Сәдат вә Һүсни Мүбарәкин рәһбәрлик етдији Мисирдә бу ҝүн “Аллаһу-Әкбәр!” сәдалары ешидилир: “Бәзиләри елә билирләр ки, просесләри пәрдә архасындан идарә едән Америкадыр. Лакин бу, сырф фантазијадыр. 30 ил әввәл дә бәзиләри реаллығы тәхәјјүлүн ҝүҹү илә гијмәтләндирәрәк Ислам Ингилабынын Американын ссенариси олдуғуну дүшүнүрдүләр”.
Ҝөрүшдә Имам Хамнеји Иран Ислам Республикасынын дипломатларына өз төвсијәләрини дә едиб.
Диггәт: Хәбәрдән истифадә етдикдә мәнбәјә истинад лазымдыр
