Әһли Бејт -АБНА- хәбәр аҝентлијинин вердији хәбәрә әсасән: Фәләстинин ишғал едилмиш әразиләриндә јәһуди вандализими давам етмәкдәдир. Белә ки, Јәһуди екстремист групу Фәләстинин Шаафрат кәндиндә бир нечә автомобилә од вуруб. Нәтиҹәдә хәсарәт алан олмаса да, сионистләр тәрәфиндән һәр бир јардымдан мәһрум едилмиш заваллы фәләстинлиләрә күлли мигдарда зијан дәјиб.
Бу барәдә журналистләрә јерли һакимијјәтин нүмајәндәси Микки Розенфилд билдириб.
Онун сөзләринә ҝөрә, бунунла кифајәтләнмәјән екстремист јәһудиләр мүсәлман фәләстинлиләрин евләрин диварларында анти-ислам вә тәһгиредиҹи шүарларда јазыблар.
Гејд едәк ки, бүтүн бу вәһшиликләр исраил сионист гүввәләринин Фәләстинлиләрлә Амманда Јахын Шәрг үзрә “квартет” (АИ, БМТ, Русија вә АБШ) нүмајәндәләринин вә Иорданијанын хариҹи ишләр назири Насер Ҹаунун иштиракы илә баш тутмуш ҝөрүш анларында баш вермишдир. Бу да һәгигәтдә исраил ишғалчыларынын бүтүн дүнјаја “Фәләстини ишғал етмәјә давам едәҹәјик” шүарыны бир даһа тәстигләмәсидир.
Диггәт: Хәбәрдән истифадә етдикдә мәнбәјә истинад лазымдыр
