Әһли Бејт -АБНА- хәбәр аҝентлијинин вердији хәбәрә әсасән: Декабрын 27-дә Президент Админстрасијасынын рәһбәри Рамиз Меһдијев јени ректору академијанын коллективинә тәгдим едиб. Дөвләт Идарәчилик Академијасынын бундан әввәлки ректору Сејфәддин Гәндилов бир мүддәт әввәл вәфат едиб. Ректор әвәзи академијанын биринҹи проректору фәлсәфә елмләри доктору, профессор Әликрам Абдуллајев иди.
Әлдә етдијимиз мәлуматлара ҝөрә, Әликрам Абдуллајев Рамиз Меһдијевин јахын гоһумудур. Әликрам Абдуллајев Рафиг Зејналов ректор постундан азад едиләндә дә ону әвәз едиб. О заман Рамиз Меһдијев гоһумуну ректор тәјин етдирмәјә чалышса да, мәгсәдинә чата билмәјиб. Әликрам Абдуллајевин јеринә Сејфәддин Гәндилов бу поста тәјин едилиб. Сејфәддин Гәндилов вәфат етдикдән сонра да Рамиз Меһдијев Әликрам Абдуллајеви бу постда ҝөрмәк истәјиб. Елә бу сәбәбдән академијаја ректор тәјинаты узанырды. Лакин ҝөрүндүјү ПА рәһбәри нөвбәти дәфә дә истәјини ҝерчәкләшдирә билмәјиб. Јери ҝәлмишкән, ректор постуна депутат Зијад Сәмәдзадә дә иддиалы олуб.
Мәлуматлара ҝөрә, Урхан Әләкбәрову коллективә Рамиз Меһдијевә тәгдим етсә дә, јухарыда гејд етдијимиз сәбәбдән бу тәјинат онун үрәјинҹә олмајыб. Иддиа едилир ки, Урхан Әләкбәров Пашајевләрин ирадәси илә ректор постуна ҝәтирилиб. Пашајевләр һәтта онун ихтисасынын бу академијаја ујғун олмамасыны да нәзәрә алмајыб. Мәлумат үчүн гејд едәк ки, 1943-ҹү илдә Бакы шәһәриндә доғулан Упрхан Әләкбәров 1989-ҹу илдән Азәрбајҹан Милли Елмләр Академијасынын(АМЕА) үзвүдүр. О, ихтисасҹа ҝенетикдир. Академик бир мүддәт әввәл АМЕА-нын витсе-президенти олуб. Лакин Илһам Әлијевин әмиси Ҹәлал Әлијевлә араларында јашанан мүбаһисәдән сонра постуну итирмәли олуб.
Урхан Әләкбәров кифајәт гәдәр савадлы вә мүсбәт кејфијјәтләрә малик шәхс кими характеризә олунур.
Ону да әлавә едәк ки, идарәчилик академијасы Рамиз Меһдијевин нәзарәтиндә олан тәһсил оҹагларындан бири иди. Урхан Әләкбәровун тәјинаты илә ПА рәһбәринин академијаны итирдијини сөјләмәк олар.
Диггәт: Хәбәрдән истифадә етдикдә мәнбәјә истинад лазымдыр
