Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Классик Халг Ҹәбһәси Партијасынын мәнзил гәрарҝаһында КХҸП, АҸП, Ајдынлар, Азадлыг партијаларынын рәһбәрләри, Вәтәндаш Һәрәкаты Форумунун тәмсилчиләри вә истиглалчы депутатларынын иштиракы илә ҝөрүш кечирилиб.
КХҸП-нин мәтбуат хидмәтиндән верилән мәлумата ҝөрә, кечирилән ҝөрүшдә јени һәрәкатын јарадылмасы барәдә илкин бирҝә мүзакирәләр апарылыб. Мүзакирәләр заманы индијә гәдәр кечирилмиш икитәрәфли ҝөрүшләрин нәтиҹәләри тәгдир олунуб. Ҝөрүшдә диҝәр сијаси партија, иҹтимаи тәшкилат вә фәрдләрин јарадылмасы нәзәрдә тутулан һәрәкатда тәмсил олунмасы һаггында мәлуматлар да мүзакирә едилиб.
Мүзакирәләр заманы нөвбәти ҝөрүшүн кечирилмәси 2012-ҹи илин јанвар ајынын 6-на тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
