Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан вәтәндашынын шәхсијјәт вәсигәсинин формасы вә верилмә мүддәти дәјишдириләҹәк. Милли Мәҹлисдән верилән мәлумата ҝөрә, “Азәрбајҹан Республикасы вәтәндашынын шәхсијјәт вәсигәси һаггында” гануна дәјишикликләр барәдә сәнәд парламентин мүзакирәсинә тәгдим олунуб.
Лајиһәдә гејд олунур ки, һәр бир Азәрбајҹан вәтәндашы 15 јашы тамам олдугдан вә ја шәхс Азәрбајҹан вәтәндашлығына гәбул едилдикдән сонра 1 ај мүддәтинә шәхсијјәт вәсигәси алмалыдыр.
Шәхсијјәт вәсигәси 10 ил мүддәтинә, 55 јашы тамам олмуш шәхсләрә исә гејри-мәһдуд мүддәтә вериләҹәк.
Лајиһәдә шәхсијјәт вәсигәсиндә ҝөстәрилән мәлуматларда дәјишиклик едилмәси дә нәзәрдә тутулур.
Белә ки, шәхсијјәт вәсигәсиндә диҝәр мәлуматларла јанашы, шәхсин фәрди индентификасија нөмрәси, Бејнәлхалг Мүлки Авиасија Тәшкилатынын (ИҸАО) тәләбләринә ујғун фотошәкли јерләшдириләҹәк.
Шәхсијјәт вәсигәсинә јерләшдирилән електрон дашыјыҹыја (чип) јухарыда гејд олунан мәлуматларла бәрабәр, шәхс сојадыны вә адыны дәјишибсә, әввәлки сојады вә ады, вәтәндашын доғулдуғу јер, аилә вәзијјәти, боју, ҝөзләринин рәнҝи, һәрби вәзифәси, вәтәндашын валидејнләринин ады вә сојады, вәтәндашын әринин (арвадынын) сојады, ады, ушагларынын ады, сојады, вәтәндашын истәји әсасында онун ҝүҹләндирилмиш електрон имзасы илә әлагәдар сертификатлар, аккредитә едилмиш сертификат хидмәтләри мәркәзи тәрәфиндән верилмиш електрон имза јаратма вә електрон имзаны јохлама мәлуматлары вә с. мәлуматлар дахил едиләҹәк.
Шәхсијјәт вәсигәсинин етибарлылыг мүддәти битдикдә, јахуд вәтәндашын сојады, ады атасынын ады дәјишдикдә, шәхсијјәт вәсигәси, о ҹүмләдән онун електрон дашыјыҹысы јарарсыз һала дүшдүкдә, вәсигәнин үзәриндәки мәлуматларын сәһв олдуғу мүәјјәнләшдирилдикдә шәхсијјәт вәсигәси дәјишдирилмәлидир.
Бу һаллардан бири баш вердикдән сонра вәтәндаш шәхсијјәт вәсигәсинин дәјишдирилмәси үчүн 1 ај мүддәтиндә шәхсијјәт вәсигәсини верән органа мүраҹиәт етмәлидир.
Шәхсијјәт вәсигәсинин үзәриндә ҝөстәрилән мәлуматларда сәһв мүәјјәнләшдирилдикдә һәмин вәсигә тәгдим едилдији вахтдан 1 ҝүн мүддәтиндә дөвләт рүсуму алынмадан дәјишдирилир.
Шәхсијјәт вәсигәсинин електрон дашыјыҹысына дахил едилмиш мәлуматларда сәһв мүәјјәнләшдирилдикдә, сәһв мәлуматлары дахил етмиш органа вәсигә тәгдим едилдикдән дәрһал сонра (ән ҝеҹи 30 дәгигә әрзиндә) һәмин мәлуматлар дөвләт рүсуму алынмадан дәјишдирилмәлидир.
2014-ҹү ил јанварын 1-дәк верилән шәхсијјәт вәсигәләри вәтәндаш 25, 35, 50 јаша чатанадәк вә ја вәтәндашын сојады, ады, атасынын ады, јашајыш јери, аилә вәзијјәти, һәрби вәсифәси дәјишиләнәдәк, јахуд шәхсијјәт вәсигәси итәнәдәк, јарарсыз һала дүшәнәдәк вә ја вәсигәләрин үзәриндәки мәлуматларын сәһв олдуғу мүәјјәнләшдириләнәдәк гүввәдә галыр.
Ганун лајиһәсиндә ганунун 2014-ҹү ил јанварын 1-дән гүввәјә минмәси нәзәрдә тутулур.
Һазырда гүввәдә олан ганунла 16 јашы тамам олан вәтәндашлар шәхсијјәт вәсигәси алырлар. Һәмчинин, вәтәндаш 25, 35, 50 јашларында шәхсијјәт вәсигәсини дәјишмәлидир.
Диггәт: Хәбәрдән истифадә етдикдә мәнбәјә истинад лазымдыр
