Әһли Бејт -АБНА- хәбәр аҝентлијинин вердији хәбәрә әсасән: әлијевләр режимин Хүсуси Дөвләт Мүһафизә Хидмәтинин сабиг әмәкдашлары Асиф Ләтифовла Сејмур Әлиҹановун “Азадлыг”а вердији сенсасион ачыгламаларда диггәт чәкән мәгамлардан бири дә гурумун рәиси ҝенерал Вагиф Ахундовун милли тәһлүкәсизлик назири Елдар Маһмудову гәбул етмәмәсидир.
Һәр һалда Вагиф Ахундовун Асиф Ләтифова “Елдар Маһмудов сәни ”вербоват” едиб”, “Нә үчүн онун бајрамыны тәбрик” етмисән кими фикирләр сөјләмәси ХДМХ рәисинин МТН шефинә антипатија бәсләдијинин ҝөстәриҹиси кими дәјәрләндирилә биләр. Ҝөрүнүр, ики ҝенералын мүнасибәтләриндә һансыса проблемләр вар. Әкс тәгдирдә Вагиф Ахундов Елдар Маһмудовун тәбрик едилмәсини гәзәблә гаршыламазды. Бәс адычәкилән шәхсләр арасында һансыса проблемләр ола биләр?
Бу истигамәтдә бәзи мәлуматлар дахил олуб. Һәмин мәлуматларда дејилир ки, Елдар Маһмудовла Вагиф Ахундовун мүнасибәтләри ХДМХ-нин МТН-ә бирләшдирилмәси мәсәләсинин ҝүндәмә ҝәлмәсиндән сонра позулуб. МТН шефи чекистләрин рәһбәри тәјин едиләндән сонра Вагиф Ахундовун идарәсини дә нәзарәтинә кечирмәк истәјиб. Бу исә ХДМХ рәисинин гәзәбинә сәбәб олуб.
Мәлуматларда дејилир ки, бу мәсәлә һәлә ҝүндәмдән дүшмәјиб вә Елдар Маһмудов ХДМХ-ни МТН-ә бирләшдирмәк истигамәтиндә сәјләрини давам етдирир. Дејиләнләрә ҝөрә, Елдар Маһмудов һәлә ки, сон илләрдә ХДМХ-нин “Алфа” вә “Бетта” групларындан пешәкарларын МТН-нин “Гартал” групуна трансферини һәјата кечирир. Бунун нәтиҹәсидир ки, артыг “Гартал” групу “Алфа” вә “Бетта”дан даһа ҝүҹлү һесаб едилир. Билдирилир ки, Елдар Маһмудов бунунла ХДМХ-нин МТН-нин нәздиндә фәалијјәт ҝөстәрмәсинин даһа мәгсәдәујғун олдуғуну сүбут етмәјә чалышыр.
P.S: Аллаһуммәшғәлил Залиминә Биззалимин
Диггәт: Хәбәрдән истифадә етдикдә мәнбәјә истинад лазымдыр
