Әһли Бејт -АБНА- хәбәр аҝентлијинин вердији хәбәрә әсасән : “Шәнбә ҝүнү тәҹридханаја јемәк апараркән хәбәр тутдуг ки, вәзијјәти писләшиб, тәҹили јардым машыны илә хәстәханаја апарыблар. Дүнән Әдлијјә Назирлијинин Пентенсиар Хидмәтинин Мүалиҹә Мәркәзинә ҝөрүшә ҝетмәјимизә бахмајараг, ҝөрүш үчүн иҹазәнин анҹаг мәһкәмәдән верилә биләҹәјини сөјләдиләр”, - дејә Вагиф Абдуллајевин аилә үзвләри билдирдиләр.
Мәһбусун сәһһәтиндәки проблемин нәдән ибарәт олдуғуну мүәјјәнләшдирмәк үчүн Пентенсиар Хидмәтинин Иҹтимаијјәтлә Әлагәдар шөбәсинә мүраҹиәт етдик. Шөбәдән бу барәдә ганунвериҹилијә ҝөрә һеч бир мәлумат верә билмәјәҹәкләрини сөјләдиләр.
Гејд едәк ки, АИП лидери Мөвсүм Сәмәдовун јанвар ајында һакимијјәтин әлејһинә тәнгиди чыхышындан сонра АИП функсионерләринә гаршы күтләви һәбс далғасы башлады. Әссассыз иттиһамларла һәбс олунан Ислам Партијасынын сәдри Мөвсүм Сәмәдов 12 ил, мүавини Вагиф Абдуллајев 11 ил, Руһулла Ахундзадә 11 ил 6 ај, Фирдовси Мәммәдрзајев 10 ил, Дәјанәт Сәмәдов 10 ил, Фәрамиз Аббасов 11 ил мүддәтинә азадлыгдан мәһрум едилибләр. Зүлфүгар Микајылов исә 5 ил сынаг мүддәтилә, 11 иллик шәрти ҹәзаја мәһкум олунуб.
Диггәт: Хәбәрдән истифадә етдикдә мәнбәјә истинад лазымдыр
