Әһли Бејт -АБНА- хәбәр аҝентлијинин вердији хәбәрә әсасән: Меһманпәрәст Иран һөкумәтинин хариҹи дөвләтләрин сәфирликләринин әмәкдашларыны вә әмлакынын тәһлүкәсизлијини тәмин етмәсиндә аҹиз олмасы иттиһамлары рәдд едиб вә билдириб ки, Британијанын Теһрандакы сәфирлијинә едилмиш һүҹум ҝөзләнилмәз олуб.
Иран дөвләт телевизијасы илә чыхыш едән Меһманпәрәст дејиб ки, Британија сәфирлији илә бағлы һадисәләр Лондонун Иран дөвләтинә гаршы апардығы сијасәтлә бағлы олуб.
О дејиб: “Сајыглыг вә ҝөрүлмүш тәдбирләр нәтиҹәсиндә Британија дипломатларындан хәсарәт алан олмајыб”.
Онун сөзләринә ҝөрә, “Иран мәһкәмә системи сәфирлијә һүҹум едәнләрлә мәшғул олур. Онлар ҹәзаландырылаҹаг”.
Меһманпәрәст Иранын Лондондакы сәфирлијин бағланылмасыны Бөјүк Британијанын "тәләсик вә дүшүнүлмәмиш” аддымы кими гијмәтләндириб.
Диггәт: Хәбәрдән истифадә етдикдә мәнбәјә истинад лазымдыр
