Әһли Бејт -АБНА- хәбәр аҝентлијинин вердији хәбәрә әсасән: Нојабрын 22-дә журналистләрә ачыглама верән Иран Ислам Республикасы Хариҹи Ишләр Назирлијинин сөзчүсү Рамин Меһманпәрәст Бөјүк Британија, АБШ вә диҝәр өлкәләрин Ирана тәтбиг етдији санксијаларын нәтиҹәсиз олдуғуну билдириб.
Бөјүк Британија, Франса вә АБШ-ын Иран Ислам Республикасына гаршы јени санксијаларына тохунан Рамин Меһманпәрәст дејиб ки, Гәрбин бу кими санксијалары Иранын нүвә фәалијјәтини дајандыра билмәјәҹәк: “Бунлар нәтиҹәсиз санксијалардыр вә бу, артыг тәҹрүбәдә өзүнү тәсдигләјиб. Белә һәрәкәтләр Иран Ислам Республикасынын игтисадијјатына вә тиҹарәт әлагәләринә тәсир ҝөстәрә билмәјиб. Биз хариҹи өлкәләрлә тиҹарәт әлагәләримизи ҝенишләндирмишик. Елә буна ҝөрә дә һесаб едирик ки, Гәрбин Иран әлејһинә аддымлары вә бәјанатлары даһа чох тәблиғат характери дашыјыр вә бир нөв психоложи мүһарибәдир”.
Нојабрын 21-дә Бөјүк Британија Иран Мәркәзи Банкына санксија гојуб. Һәмин ҝүн АБШ президенти Барак Обама фәрман имзалајараг Иранын банк системинә, нефт-газ вә нефт-кимја сәнајесинә санксијалары шиддәтләндириб.
Диггәт: Хәбәрдән истифадә етдикдә мәнбәјә истинад лазымдыр
