Әһли Бејт -АБНА- хәбәр аҝентлијинин вердији хәбәрә әсасән: Артыг бир нечә ајдыр ки, танынмыш руһани Һаҹы Абҝүл Сүлејманов МТН-ин тәҹридханасында сахланылыр
Сон олараг руһанинин һәбс мүддәти даһа 3 ај узадылмышды. Һаҹы Абҝүл Сүлејмановун вәкили Анар Гасымлы исламазери.аз-а вердији ачыгламада билдириб ки, һазырда истинтаг давам едир. "Һаҹы Абҝүл һазырда диндирилмә мәрһәләсиндәдир. Амма диндирилмә наркотик вә силаһла бағлы дејил."
Хатырладаг ки, бир мүддәт әввәл ачыгламасында Анар Гасымлы Һаҹы Абҝүл Сүлејманова гаршы јени иттиһамларын ирәли сүрүлә биләҹәјини демишди.
Гејд едәк ки, танынмыш руһани Һаҹы Абҝүл Сүлејманов Милли Тәһлүкәсизлик Назирлијинин әмәкдашлары тәрәфиндән зорла сахланылмышды. Милли Тәһлүкәсизлик Назирлијинин әмәкдашлары онун олдуғу евә вәһшиҹәсинә басгын едәрәк ону зоракылыгла автомобилә миндирибләр. МТН евдә вәһшилик төрәдиб, ев әшјалары сындырараг јарарсыз һала салыныб.
Һаҹы Абҝүл Сүлејмановун вәкили Анар Гасымов, мүвәккилинин ҹинајәт мәҹәлләсинә әсасән 234.1. (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә шәрләнәрәк сахланылдығыны билдириб.
Диггәт: Хәбәрдән истифадә етдикдә мәнбәјә истинад лазымдыр
