Әһли Бејт -АБНА- хәбәр аҝентлијинин вердији хәбәрә әсасән: Түркијәнин Әһли-бејт (ә) јолчуларынын әһәмијјәтли мәркәзләриндән "Зејнәбијјә" һәр ил мөһтәшәм әзадарлыг мәрасимләри илә дә сечилир. Мәркәзин буилки Ашура мәрасимләринин даһа да әзәмәтли кечмәси ҝөзләнилир. Бу һагда Дејерлер.орҝ-а ексклүзив ачыгламаларында мәркәзин мәтбуат катиби вә иҹтимаијјәтлә әлагәләр үзрә мәсулу Касым Алҹан мәлумат вериб.
Касым Алҹан билдириб: “Мәлум олдуғу кими, өтән ил Түркијәдә бәшәри Ашура мәрасимләринә Түркијә Ҹүмһуријјәтинин баш назири Рәҹәб Тәјјиб Әрдоған да гатылмышды. Бу гатылым һәм ислам дүнјасында, һәм дә Авропада бөјүк резонанс доғурмушду. Буилки әзадарлг һазырлыглары да сүрәтлә давам едир. Өтәнилки мәрасимә нисбәтән, әлбәттә ки, буилки мәрасимләрдә мүәјјән дәјишикликләр олаҹаг. Түркијә Ҹүмһуријјәти Дијанәт ишләри башканы профессор-доктор Али Ҝөрмез вә иӘТ сәдри икмәләддин иһсаноғлу бу ил бу әзадарлыг мәрасимләримизә дәвәтлидирләр. Өлкә хариҹиндән дә әһәмијјәтли гонагларымыз олаҹаг. Бу ил һәм өлкә дахилиндән, һәм дә өлкә хариҹиндән Ашура мәрасимләримиздә чох өнәмли гонагларымыз олаҹаг”.
Бу ил Ашура мәрасимин 1373 или олаҹағыны хатырладан К.Алҹан буилки мәрасимләрин хүсуси шүар алтында баш тутаҹағына диггәт чәкиб: “Буилки тәдбирләримизин бир фәргли хүсусијјәти дә 5 декабр 2011-ҹи ил - базар ертәси ҝүнү саат 10-да башлајаҹаг Ашура матәми мәрасиминдә бәләкдәки көрпәләри даһа өн плана чыхарылмасы олаҹаг. Бу ил “Әли Әсғәр (ә) или” олаҹаг. Гуҹагларында јени доғулмуш көрпәләри илә аналар бу мәрасимин мәркәзиндә олаҹаглар. Һәм Мәһәррәм ајынын 7-дә бөјүк бир тәдбиримиз олаҹаг, һәм дә “Әли Әсғәр (ә) или” чәрчивәсиндә Ашура ҝүнү бүтүн диггәтләри көрпәләрә јөнәлдәҹәјик. Буилки тәзијадарлығымызын ады да белә олаҹаг: “Көрпә бәләкдә охланды”. Бу адла буилки әзадарлығымыз кечириләҹәк”.
Мәрасимә гатылаҹаг гонаглардан сөз ачаркән исә Касыб бәј билдириб: “Јенә әҹнәби миссијаларын нүмајәндәләри, Авропа вә ислам өлкәләринин консуллары, сәнәтчиләр, вәтәндаш ҹәмијјәти тәшкилатлары вә диҝәр кәсимләрдән гонаглар буилки әзадарлыг мәрасимләримиздә иштирак едәҹәк. Бу ил һәм натигләри, һәм дә әзадарлыг програмынын тәркиби етибарилә долу-долу, өтән илдәкиндән дә даһа әзәмәтли бир Ашура ҝөрәҹәјик, иншааллаһ”.
Диггәт: Хәбәрдән истифадә етдикдә мәнбәјә истинад лазымдыр
