Әһли Бејт -АБНА- хәбәр аҝентлијинин вердији хәбәрә әсасән: АХҸП сәдринин мүшавири Фәһмин Һаҹыјев Түркијәнин “дунјабултени.нет” сајытына Азәрбајҹан-Түркијә мүнасибәтләри вә Әлијев режиминин антимилли маһијјәти барәдә ҝениш ачыглама вериб. Сајт материалы “Азәрбајҹан Түркијәјә гаршы ҝүҹләрлә иш бирлијиндә” башлығында тәгдим едиб. “Азәрбајҹанын дахили гошунларынын кечмиш команданы Фәһмин Һаҹыјев Ылһам Әлијев рәһбәрлијинә атәш пүскүрдү” сәрлөвһәли мәгаләдә АХҸП сәдринин мүшавири мүстәгиллији әлдә едәркән Түрк вә Ислам дүнјасы илә интеграсијаны һәдәфләдикләрини, лакин өтән мүддәтдә Һејдәр Әлијев илә оғлу Ылһам Әлијев игтидарынын өлкәни бу һәдәфләрдән узаглашдырдығыны сөјләјиб.
Азәрбајҹаны таныјан илк өлкәнин Түркијә олмасынын чох әһәмијјәтли олдуғунун вурғулајан Һаҹыјев, бу јөндә Түркијәнин Гафгазлар вә Орта Асија Республикалары үчүн мүһүм стратежи мүттәфиг олдуғуну дејиб: “Лакин Әлијев игтидары заман кечдикҹә Түркијәјә гаршы олан өлкәләрлә әмәкдашлыг етди вә Түркијә әлејһинә һәрәкәтләрин ичәрисиндә олду”.
Һејдәр Әлијев игтидары бизә фаҹиә јашадыб
Ики өлкә арасында мүнасибәтләрин үрәкачан сәвијјәдә олмамасынын бир сәбәбини дә Азәрбајҹанын илк лидери Елчибәјин һакимијјәтдән деврилмәси илә әлагәләндирән Ф.Һаҹыјев бу чеврилишдә Түркијәнин кечмиш президенти Сүлејман Дәмирәлин дә рол алдығыны билдириб. О, Дәмирәлин “досту вә гардашы” барәдә дә бәзи мараглы фактлары диггәтә чатдырыб:
“Һејдәр Әлијев 1940-ҹы илләрдән - Сталин вахтындан Совет кәшфијјат тәшкилаты олан, дүнјада гырмызы террор тәшкилаты кими танынан КГБ-дә ишләмишдир. О заманлар Совет ишғалы алтындакы Азәрбајҹанын Ислам аләми вә Түрк дүнјасы илә бүтүн әлагәләрини гопармаг динсиз коммунистләрин әсас мәгсәди иди. Бу иши ән мүккәммәл иҹра едәнләрдән бири, бәлкә дә биринҹиси Әлијев иди. Кәнд вә гәсәбәләрдә белә сырави инсанларын Пантүркчүлүк вә Панисламчылыгда дамғаланараг Сибирә, өлүм дүшәрҝәләринә ҝөндәрилмәси КГБ-нин Азәрбајҹана гаршы етдији вәһшиликләр арасындадыр. Вәзифәм әснасында әлдә етдијим мәлуматларда Түркијәни парчаламаг вә чөкдүрмәк мәгсәди илә гурулмуш ПКК-нын дә Әлијевин Советләрә вә Рус империализминә вердији хидмәтләр арасында олдуғуну сөјләјә биләрәм. Узун илләр дөвләт ишиндә чалышан Әлијев дөвләт адамы олараг чох јахшы јетишмишди. Анҹаг идеолоҝијасы антидемократ, антиЫслам вә антиТүрк иди. Бундан өтрү Әлијевин мүстәгил Азәрбајҹанын башына ҝәтирилмәси, өлкәмизи Ислам аләминдән вә Түрк дүнјасындан гопараҹаг бир фаҹиә иди”.
Әлијев һакимијјәти АКП-јә нифрәт едир
Азәрбајҹан рәһбәрлијинин АКП игтидарына нифрәт бәсләдији дә Ф.Һаҹыјевин ачыгламасында сәсләниб. О билдириб ки, АКП-нин Түркијәдә дәфәләрлә сечкиләри газанмасы, Түркијәнин ич сијасәтдә сијаси вә игтисади сабитлијә говушмасы вә уғурлу хариҹи сијасәт апармасы, бу ҝүн Түркијәнин дүнјада сөз саһиби олан, дүнја ојун гајдаларыны тәшкил едә биләҹәк ҝүҹлү бир дөвләт һалына ҝәлмәси ән чох Азәрбајҹаны севиндирмәли олдуғу һалда әксинә, Азәрбајҹан рәһбәрлији буна бир кин вә дүшмәнликлә јанашыр: “Түркијә-Азәрбајҹан арасында стратежи ортаглыг һәр ики тәрәфин дә газанҹыдыр. Анҹаг кечмишдә вә бу ҝүн олдуғу кими достлуг ифадәси алтында башга һесаблар вә сијасәтләр иҹра едилмәмәси шәртијлә. Бу ҝүн Әрдоған лидерлијиндә Түркијә фәргли бир јола чыхмышдыр. Азәрбајҹан бу јолда Түркијәнин јанында иштирак етмәли вә онун сијасәтләрини дәстәкләмәлидир. Азәрбајҹанын јерләшдији ҝеополитик мәкан, енержи гајнаглары онун Түркијә бахымындан әһәмијјәтини артырыр. Әбүлфәз Елчибәј һөкумәти буну чох ҝөзәл анлајырды вә Түркијәнин өнә чыхмасы үчүн һәр ҹүр фәдакарлығы едирди. Тәәссүф ки, 1993-дә Әлијев-Дәмирәл гардашлығы бу инкишафын гаршысыны алды”.
“Бакы баһары”на дәстәк
АХҸП јеткилиси сонда Азәрбајҹанда “Бакы баһары”нын јашандығыны сөјләјәрәк авторитар Әлијевчи режимин јахын бир заманда чөкәҹәјинә инандығыны ифадә едиб. О, бу мүддәтдә Түркијәнин Азәрбајҹан мүхалифәтини дә дәстәкләмәсинин ваҹиб олдуғуну вурғулајыб.
Натиг Ҝүләһмәдоғлу
Диггәт: Хәбәрдән истифадә етдикдә мәнбәјә истинад лазымдыр
