Әһли Бејт -АБНА- хәбәр аҝентлијинин вердији хәбәрә әсасән: Сон заманлар Ирана гаршы һәрби әмәлијјатларын тәтбиг едилмәси ҝүндәмдәдир. Мөвзу илә әлагәдар Азадлыградиосу мүхтәлиф фикирләри динләмишдир. Белә ки, иранлыларын чоху фикирләшир ки, һәр һансы һәрби зәрбә таммигјаслы мүһарибәјә сәбәб олаҹаг.
АзадлыгРадиосуна Мәшһәддән зәнҝ едән вә өзүнү Мәһәммәд кими тәгдим едән бир шәхс иддиа едиб ки, һүҹум олса бүтүн иранлылар өлкә рәһбәрлијинин әтрафында бирләшәҹәк вә Иран Америка әсҝәрләринин гәбиристанлығына чевриләҹәк:
“Иранын дахилиндә һәр кәс Имам Хаменеини дәстәкләјир, өз һөкумәтләрини дәстәкләјир. Милјонларла инсан дөвләти севир. Онлар һамысы мөвҹуд гурулушу мүдафиә едәҹәк”.
Хариҹдәки Иранлы експертләр дә дејирләр ки, Ирана һәрби зәрбә ендирилмәси Гәрбдән чох, Ислам һөкумәтинин хејринә олаҹаг. Иранда һәбсдән бурахыландан сонра АБШ-а мүһаҹирәт едән Сиракуза Университетинин арашдырмачысы, сосиолог Һүсејн Ҝазиан дејир ки, мүһарибә башласа, Ирандакы һөкумәтин онлара гаршы чыханлары әзмәк үчүн һәр ҹүр гануни сәбәби олаҹаг. Ирандакы сијаси мәдәнијјәт еләдир ки, хариҹи мүдахилә олса, һәр кәс дүшмәнә гаршы сәфәрбәр олаҹаг.
Диггәт: Хәбәрдән истифадә етдикдә мәнбәјә истинад лазымдыр
