Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Дүнја Мүсәлманларынын ән севинҹли ҝүнләриндән биридир. Биз АБНА олараг хош анларымызы сиз илә бөлүшүр вә Аллаһ Тәаладан илк өнҹә Имам Заман һәзрәтләринә ҹан сағлығы вә тезликлә зуһур етмәсини диләјир вә ејни һалда сиз әзиз баҹы вә гардашларымыза хош ҝүнләр, азадлыг, бүтүн проблемләринизин һәлл олмасыны арзу едирик.
Аллаһ әзиз Пејғәнбәр вә онун пак аиләсинә хатир бизим тәгсиримиздән кечсин! Зинданлара наһаг јерә салынмыш бүтүн инсанлары, о ҹүмләдән башда Һаҹы Мөвсүм вә диҝәр мүбариз диндар гардашларымызы тезликлә иззәтли азадлыг әта етсин!
Гурбанлығын гыса тарихчәси
Исмаил гурбаны Ибраһим Пејғәмбәрин һәјатында баш верән әһвалатдан сонра јаранмышдыр. Белә ки, јухуда Аллаһ Ибраһим пејғәмбәрә оғлу Исмајылы гурбан вермәји (онларын өзләринин иманыны јохламаг үчүн имтаһан мәрәзиндә гәрар вермәкдән өтрү) әмр едир. Ибраһим әсл диндар кими Аллаһын әмрини јеринә јетирмәјә һазыр иди, Исмајыл өзү дә гурбан олмаға разылашыр. Бу һагда Гуранда јазылмышдыр.
Ибраһим Пејғәмбәрин оғлуну Аллаһа гурбан етмәк истәмәси
Аллаһа гәлбән јахын вә садиг олдуғуну сүбут етмәк истәјән Ибраһим Пејғәмбәр оғлу Исмајылы гурбан кәсмәјә һазыр иди. Лакин уҹа Аллаһ буну өз елчисинә рәва билмәди вә гурбанлыг үчүн она бир гоч ҝөндәрди. Буна ҝөрә дә Гурбанлыг бајрамында кәсилән гурбана "Исмајыл гурбаны" да дејирләр.
Чох севдији баласыны Аллаһ јолунда гурбан вермәјә һазыр олмасы пејғәмбәрин Аллаһ гаршысында иманынын, сәмимилијинин вә мүтилијинин бариз сүбутудур. Одур ки, дин тарихиндә дәрин из салмыш бу һадисә Аллаһа инамын, дәрин етигадын нүмунәсидир. Бу һадисә ону ҝөстәрир ки, инсанлар Аллаһы сонсуз иманла севмәли вә өз севҝиләриндә бу ҹүр сәмими олмалыдырлар. Чәтин анларда Аллаһы да јада салыб, јахшы заманларда Ону унутмаг мөминә јарашан һәрәкәт дејил!
Бу рәвајәтин башга бир фәлсәфи-әхлаги мәнасы ондан ибарәтдир ки, Исламда инсанын Аллаһ јолунда гурбан кәсилмәси гәбул олунмур. Ислама гәдәр бир чох динләрдә инсанлары гурбан вермә ајинләринә раст ҝәлмәк мүмкүндүр. Мәсәлән, атәшпәрәстләр инсаны одда јандырырдылар. Онлар бу јолла Аллаһа јахын олдугларыны ҝөстәрирдиләр. Гәдим Чиндә дә инсанлары танрылара гурбан вермәк адәти вар иди. Бу өлкәдә тәбии фәлакәтләрдән, дашгынлардан һифз олунмаг үчүн ушаглары суја атырдылар.
Диггәт: Хәбәрдән истифадә етдикдә мәнбәјә истинад лазымдыр
