Әһли Бејт -АБНА- хәбәр аҝентлијинин вердији хәбәрә әсасән: Иранда кечмиш АБШ сәфирлији бинасынын гаршысында Гәрб әлејһинә нүмајишләр кечирилиб. Ҹәмијјәтин бүтүн тәбәгәләрини тәмсил едән иранлылар дүнән «Ҹасуслуг јувасы» адландырдыглары бинанын гаршысына топлашараг Америка әлејһинә шүарлар сәсләндирибләр. «Америкаја өлүм!". «Террорчу Обама» вә «Капитализмин сону ҝәлди» кими плакатлар ачан вә АБШ әлејһинә чылғын шүарлар сәсләндирән нүмајишчиләр АБШ-ын «суи-гәсдләрини вә төрәтдији террор ҹинајәтләрини» гынајыблар.
Јүксәк бир јердә асылмыш гәфәсдә јерләшдирилмиш президент куклалары да диггәт чәкиб. Куклалары асылан лидерләр арасында Исраил президенти Шимон Перес, Исраилин баш назири Бенјамин Нетанјаһу, Франса президенти Николја Саркози вә АБШ президенти Барак Обама јер алыб.
Нүмајишдә Иран Али Милли Тәһлүкәсизлик Шурасынын катиби Сәид Ҹәлил дә чыхыш едиб. “Иран Ислам Республикасы Американын өз кәшфијјаты илә дөвләт терроруна ҝөрә мәсулијјәт дашыдығыны бүтүн дүнјаја ҝөстәрәҹәк», дејән С. Ҹәлил сон ики илдә АБШ-ын дөвләт сәвијјәсиндә террорла мәшғул олдуғуна даир сәнәдләри БМТ-јә тәгдим етдикләрини дилә ҝәтириб. Даһа сонра Ҹәлил әлавә олараг јени сәнәдләри нүмајишчиләрә ҝөстәриб вә һәмин сәнәдләрин Исвечрә сәфирлији васитәсилә БМТ-јә ҝөндәрилдијини билдириб.
Диггәт: Хәбәрдән истифадә етдикдә мәнбәјә истинад лазымдыр
