Әһли Бејт -АБНА- хәбәр аҝентлијинин вердији хәбәрә әсасән: Јәмәнли ингилабчы, Исламшүнас Доктор Исам әл-Имад Азәрбајҹан Республикасы мүсәлманларынын орта мәктәбләрдә һиҹаб гадағасына гаршы мүбаризәсини һимајә едәрәк, дејиб: "Ојаныш далғасы Азәрбајҹан Республикасыны да бүрүјәҹәк".
Бу јәмәнли мүбариз Теһранда сәфәрдә олдуғу заман Бејнәлхалг Сәһәр Каналынын мүхбири илә мүсаһибәдә дејиб: "Әрәб өлкәләриндә баш верәнләр о ҹүмләдән Мисир, Јәмән, Тунис вә диҝәр әрәб өлкәләри халгларынын гијамлары Азәрбајҹан Республикасында ингилабчыларын хејринә олаҹаг. Чүнки, сијаси вә фикри бахымдан Азәрбајҹан ингилабчылары Мисир, диҝәр әрәб өлкәләри вә бүтүн ислам дүнјасы ингилабчылары илә ејнидирләр. Әрәб өлкәләриндә халг һәрәкатлары Азәрбајҹан Республикасы ингилабчыларында да бөјүк үмидин јаранмасына сәбәб олуб вә бу ҝерчәклик Азәрбајҹан һөкумәтиндә дәрин горху јарадыб."
Доктор Исам әл-Имад әлавә едиб: "Азәрбајҹан һөкумәтинин мүсәлман ингилабчылардан горхусу Сәудијјә Әрәбистанынын әрәб өлкәләриндәки ингилаблардан горхусу кимидир. Азәрбајҹан Республикасына һаким кәсилмиш режим ислами һиҹаб вә дини мәрасимләр вә шәриәт илә мүхалиф олан бир режимдир. Буна ҝөрә дә бу өлкә һөкумәти тәбии олараг горху һисси кечирмәлидир вә билир ки, бу ојаныш далғасы Азәрбајҹаны да бүрүјәҹәк вә Азәрбајҹана һаким кәсилмиш зүлм һөкумәти бу ојаныш гаршысында һеч бир шеј едә билмәјәҹәк."
Диггәт: Хәбәрдән истифадә етдикдә мәнбәјә истинад лазымдыр
