Әһли Бејт -АБНА- хәбәр аҝентлијинин вердији хәбәрә әсасән: Түркијә Вандакы дағыдыҹы зәлзәләдән ики ҝүн сонра Ишғалчы Исраил режиминә јардым үчүн мүраҹиәт едиб. Мәлуматы Ишғалчы Исраил КИВ-и јајыб.
Мәлумата ҝөрә, Түркијә ХИН-ин нүмајәндәләри исраилли һәмкарларындан хиласетмә ишләри үчүн мобил комплексләрин верилмәсини хаһиш едибләр. Ишғалчы Исраилин хариҹи ишләр назири Авигдор Либерман исә мүвафиг гурумларла лазыми аваданлыгларын Түркијәјә гыса мүддәтдә чатдырылмасы илә бағлы данышыглара башламаг ҝөстәриши вериб.
"СННТүрк"-үн дә јајдығы хәбәрә ҝөрә, Түркијә һөкумәти адындан јазылы мүраҹиәт 30 дөвләтә ҝөндәрилиб. Бу дөвләтләр арасында Сионист Исраил Режими дә вар. Тәбии фәлакәтин нәтиҹәләрини арадан галдырмаг үчүн Түркијә һөкумәтин чадырлар, јығма евләр вә тикинти материалларына еһтијаҹы олдуғуну билдириб.
Гејд едәк ки, бундан әввәл Түркијә, Исраилин јардым тәклифиндән имтина етмишди. Бу арада зәлзәлә гурбанларынын сајы 459-а чатыб. Фәлакәт нәтиҹәсиндә 1352 нәфәр јараланыб.
Диггәт: Хәбәрдән истифадә етдикдә мәнбәјә истинад лазымдыр
