Әһли Бејт -АБНА- хәбәр аҝентлијинин вердији хәбәрә әсасән: Триполи Һәрби Шурасынын сәдри Әбдүлһәким Белһаҹ ББҸ-нин әрәб хидмәтинә вердији мүсаһибәсиндә билдириб ки, әлимиздә олан етибарлы мәлуматлара әсасән Имам Муса Сәдр Триполинин ҹәнубунда јерләшән бир әкин саһәсиндә дәфн олунуб.
О дејиб ки, илк өнҹә әлдә етдијимиз мәлуматларда ҝөрә онун Сәбһаја көчүрүлдүјү билдирилирди. Даһа сонра әлдә етдијимиз мәлуматларда исә онун Гәлә мәнтәгәсиндә дәфн олундуғу дејилирди. Амма Имам Муса Сәдрин агибәти барәдә сонунҹу вә етибарлы мәлуматда онун Триполинин ҹәнубундакы әкин саһәсиндә дәфн олундуғуну өјрәнмишик.
Белһаҹ бу мәлуматын да арашдырылдығыны билдирәрәк һәгигәт оплуб-олмамасынын јахын вахтларда билдириләҹәјини дејиб.
Гејд едәк ки, Триполинин ҹәнубундакы һәмин әкин саһәсиндә Гәззафи режими илә мүхалифәтчилик едән бир чох инсанларын ҹәсәдләринин дәфн олундуғу дејилир.
Диггәт: Хәбәрдән истифадә етдикдә мәнбәјә истинад лазымдыр
