Әһли Бејт -АБНА- хәбәр аҝентлијинин вердији хәбәрә әсасән: Бәһрејн шиәләринин лидери Шејх Иса Гасим Ҹүмә хүтбәсиндә фәләстинлиләрин Исраил һәбсханаларындан азад олунмасыны Фәләстин халгына тәбрик едәрәк һәлә дә Исраил һәбсханаларында дустаг һәјатыны сүрәнләринин дә тезликлә азад олунаҹағыны дуа етмиш вә бүтүн дүнјада наһагсыз инсанларын һәбсханалардан азад олунмасыны истәдикләрини билдириб. О дејиб ки, фәләстинлиләрин, хүсусилә дә фәләстинли ханымларын Исраил һәбсханаларындан азад олундуғу заман Бәһрејндә мүсәлманлар, руһаниләр вә һәтта ханымлар зинданлара атылыр. Вә бу ону ҝөстәрир ки, бу режим һакимијјәтини әлдән вермәмәк үчүн әлиндән ҝәләни едир.
Шејх Иса Гасим деврилмиш Гәззафини мисал ҝөстәрәрәк дејиб ки, Гәззафинин агибәти бүтүн диктаторлара бир месаждыр ки, әввәл-ахыр бүтүн диктаторларын нә вахтса сону чатаҹагдыр.
Шејх Иса Гасим дејиб ки, диктаторлар ҝәрәк Гәззафинин агибәтиндән ибрәт алсынлар. Әҝәр онлар халгын нифрәтини вә ләнәтини газанмаг истәмирләрсә, ҝәрәк халгын тәләбләринә ҹаваб версинләр. Әҝәр буну етмәсәләр ејни агибәт онлары да ҝөзләјир.
АБШ-ы бөлҝәдәки гијамлара икили стандартларла јанашдығына ҝөрә гынајан Ајәтуллаһ Иса Гасим дејиб ки, әслиндә АБШ бөлҝәдәки ингилаблардан хошһал дејил. Садәҹә олараг өз мәнфәәтини әлдән вермәмәк үчүн өзүнү ингилабчыларла һәмрәј вә бир јердә олдуғуну ҝөстәрмәк истәјир.
Диггәт: Хәбәрдән истифадә етдикдә мәнбәјә истинад лазымдыр
