Диггәт: Хәбәрдән истифадә етдикдә мәнбәјә истинад лазымдыр
Ҝөрүш заманы Ирагда тәкфирчи дәстәләрин мүсәлманлара гаршы террор төрәтмәләринә дә мүнасибәт билдирән "Меһди ордусу"нун рәһбәри тәкфирчиләрә гаршы мүбаризә үчүн вәһдәтин горунмасынын лүзумлуғуну билдирмиш вә бунун онларын мәгсәдләринә чатмаларынын гаршысынын алынмасында јеҝанә јол олдуғуну гејд едиб.
Мүгтәда Сәдр ҝөрүшдә һәмчинин Ираг парламентариләриндән бир групун Кәбәни зијарәтә ҝетмәсинә тохунараг бу иши тәнгид едиб. О дејиб ки, дүздүр, һәр бир мүсәлман Аллаһ евинин зијарәтини арзулајыр вә бу ваҹиб әмәлдир. Амма дөвләт гуллугчуларынын бир дәстәсинин өлкәнин иш-ҝүҹүнү атыб буну етмәси дүзҝүн аддым дејил.
Сәккиз илдә АБШ ордусунун Ирага вә халгына чохлу зүлмләр етдијини диггәтә чатдыран Мүгтәда Сәдр дејиб ки, онлар бизим сәрвәтимизи гарәт етмиш, инсанларымыз онларын уҹбатындан хәстәликләр тапмыш вә әлил олмушлар. Бүтүн бунлара ҝөрә АБШ Ирага компенасија өдәмәлидир.
Әһли Бејт -АБНА- хәбәр аҝентлијинин вердији хәбәрә әсасән: Ирагын "Сәдр" һәрәкатынын лидери Мүгтәда Сәдр дүнән ахшам Нәҹәфин бир груп ҝәнҹләри илә ҝөрүш кечириб. Ҝөрүшдә Мүгтәда Сәдр бир даһа бәјан едиб ки, "Сәдр" һәрәкаты АБШ ордусунун тәјин олунмуш вахтда јәни 2011-ҹи илин сонунадәк Ирагы тәрк етмәсиндә исрарлыдыр. О дејиб ки, Ираг һөкүмәтинин ҝөрүшү һәр нә олурса-олсун биз АБШ ордусунун бир нүмајәндәсинин белә истәнилән адла Ирагда галмасынын әлејһинәјик.
