Әһли Бејт -АБНА- хәбәр аҝентлијинин вердији хәбәрә әсасән: Шиәләрин тәглид мәрҹәји Ајәтулла Мәкарим Ширази Азәрбајҹанда исламофобија һагда хәбәрдарлыг едәрәк, дејиб: Азәрбајҹан рәсмиләри реҝион һадисәләриндән ибрәт алмалыдырлар.
Меһр Хәбәр Аҝентлијинин мәлуматына ҝөрә, Ајәтуллаһүл-үзма Насир Мәкарим Ширази чәршәнбә ҝүнү ҝүнортадан габаг Гум шәһәринин Әзәм Мәсҹидиндә өз хариҹ дәрсинә башламаздан өнҹә сон заманлар Азәрбајҹан Республикасында исламофобијанын ҝенишләнмәсинә ишарә едәрәк, дејиб: Азәрбајҹан Республикасы әһалиси демәк олар ки, шиәдир. Амма, бир мүддәтдир ки, Азәрбајҹан Республикасы һөкумәти мәсҹидләри дағыдыр вә инсанлара һүҹум едир.
О, Азәрбајҹан Республикасында тәглид мәрҹәләринин рисаләләринин јајылмасына да гадағанын гојулдуғуна ишарә едәрәк, вурғулајыб: Сон заманлар мәктәблиләр вә дөвләт ишчиләринин мәсҹидләрә бурахылмамасы һагда ҝөстәриш верилиб. Санки, Бакы рәсмиләри гәфләт јухусундадырлар.
Ајәтулла Мәкарим Ширази әлавә едиб: Азәрбајҹанын иманлы халгы бу вәзијјәтин давам етмәсинә иҹазә вермәјәҹәк вә бир ҝүн онларын јахасындан јапышараг, гүдрәт тахтындан јерә салаҹаг.
Тәглид мәрҹәји олан Ајәтулла Мәкарим Ширази Азәрбајҹан Республикасы рәсмиләринә хитабән дејиб: Кечмиш Совет Иттифагындан вә Ислам Дүнјасында баш верән һадисәләрдән ибрәт алын. Вә биз әминик ки, бу вәзијјәт давам едәрсә, бир ҝүн халг сизи мәһвә сүрүкләјәҹәк.
Тәглид мәрҹәји сөзләринин давамында Гуранын ҝөстәриши әсасында Имамларын(ә) бујругларына әмәл етмәји ваҹиб адландырараг, дејиб: Имамларын(ә) ҝөстәришләринә әмәл етмәмәк, пејғәмбәрин(с.ә.с) ҝөстәришләринә әмәл етмәмәк, пејғәмбәрин(с.ә.с) ҝөстәришләринә әмәл етмәмәк исә Аллаһа итаәт етмәмәк демәкдир.
Диггәт: Хәбәрдән истифадә етдикдә мәнбәјә истинад лазымдыр
