Әһли Бејт -АБНА- хәбәр аҝентлијинин вердији хәбәрә әсасән: Октјабрын 19-да Азәрбајҹан Ислам Партијасы (АИП) сәдринин мүавини Ариф Гәнијевин һәбсдә сахланмасына даир гәрардан верилмиш апеллјасија шикајәтинә бахылыб. Гәрары октјабрын 9-да Сәбаил Рајон Мәһкәмәси чыхармышды.
Август ајындан Милли Тәһлүкәсизлик Назирлијинин тәҹридханасында сахланан Ариф Гәнијевин шикајәтинә бахан Бакы Апеллјасија Мәһкәмәсинин һакими Әфлатун Гсымов биринҹи инстансија мәһкәмәсинин гәрарыны гүввәдә сахлајыб. Мәлуматы вәкил Анар Гасымлы вериб.
Ариф Гәнијев әлијевләр режими тәрәфиндән Ҹинајәт Мәҹәлләсинин 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә)вә 234.1-ҹи (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә шәрләнәрәк иттиһам олунур.
Вәкилин сөзләринә ҝөрә, руһани Абҝүл Сүлејмановун ејни мәзмунлу шикајәтинә октјабрын 20-дә Бакы Апеллјасија Мәһкәмәсиндә һаким Абид Абдинбәјовун сәдрлији илә бахылаҹаг.
Абҝүл Сүлејманов да режим тәрәфиндән 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) шәрләнәрәк иттиһам верилиб. О, Ҹинајәт Мәҹәлләсинин 228.1-ҹи маддәси илә дә шәрләнмәкдәдир.
Диггәт: Хәбәрдән истифадә етдикдә мәнбәјә истинад лазымдыр
