Әһли Бејт -АБНА- хәбәр аҝентлијинин вердији хәбәрә әсасән: Бакы Шәһәр Иҹра Һакимијјәти Азәрбајҹан Ислам Партијасынын “Гарабаға азадлыг!”, “Һиҹаб мәһбусларына азадлыг!”, “Исламофобијаја сон!” шүарлары илә кечирмәк истәдији аксијаны мәгсәдәујғун һесаб етмәјиб. Мәлуматы “Медиа форум” сајтына АИП сәдринин сијаси мәсәләләр үзрә мүавини Акиф Һејдәрли вериб.
Акиф Һејдәрлинин сөзләринә ҝөрә, партијанын октјабрын 22-дә кечирмәк истәдији митинглә бағлы мүраҹиәтә меријанын ҹаваб мәктубу октјабрын 19-у саат 16 радәләриндә тәгдим олунуб: “Октјабрын 20-дә партијанын иҹра апараты иҹлас кечирәҹәк. Бакы Шәһәр Иҹра Һакимијјәтинин ҹаваб мәктубу мүзакирә едиләҹәк вә бундан сонра атылаҹаг аддымлара гәрар вериләҹәк”.
Партија үзвләри - Азәрбајҹан Ислам Партијасынын сәдр әвәзи Елчин Манафов, мүавинләр Ингилаб Әһәдли вә Рөвшән Әһмәдовдан ибарәт тәшкилат групу адындан Бакы Шәһәр Иҹра Һакимијјәтинә мүраҹиәт октјабрын 10-да едилмишди.
Диггәт: Хәбәрдән истифадә етдикдә мәнбәјә истинад лазымдыр
