Әһли Бејт -АБНА- хәбәр аҝентлијинин вердији хәбәрә әсасән: Ермәниләр јени “сијасәтә” әл атыб. Түркијә-Иран мүнасибәтләринә зәрбә ендирмәк үчүн сүнни-шиә мәсәләсини ҝүндәмә ҝәтириб. Васитә исә Азәрбајҹандыр.
"Реҝниум" сајтынын вердији хәбәрә ҝөрә, ишғалчы Ермәнистанын мәнтигсиз политологу Сергеј Шакарјантс, бу ҝүнләрдә Азәрбајҹана сәфәр етмиш Түркијәнин дини гурумлар рәһбәри Меһмет Гермезин, Бакыда Әждәрбәј мәсҹидиндә ҹүмә намазы заманы сөјләдији хүтбәни белә дәјәрләндириб.
"Ҹүмә хүтбәсиндә Меһмет Гермез Шуша мәсҹидиндә намаз гылмаг арзусунда олдуғуну билдириб. Ҝөрәсән Әһли-Сүннәнин Шиә мәсҹидиндә нә иши вар? Ахы ким ону ора бурахар? Шиәләрин мәсҹидинә ҝирән мүтләг Имам Әлини һамыдан үстүн билмәли вә о бири хәлифәләри сајмамалыдыр. Бу шәхс исә Сүннидир. Вә о бириләрини Имам Әлидән үстүн сајыр. Шиәләрин мәсҹидиндә неҹә намаз гылаҹаг бу? Түркләрин 97%-и сүннидирләр. Шуша мәсҹиди исә Шиә мәсҹидидир. Јәгин бу сөзләр Меһметин дејил рәсми Анкаранын сөзләридир. Садәҹә олараг онун васитәси илә чатдырылыб. Бөлҝәдә Түркијә нүфуза саһиб олмаг арзусундадыр. Амма Тифлисдә, Ирәванда вә Бакыдакы мәсҹидләрин һамысы Шиә мәсҹидләридир. Сүнниләр чох аз фаиз тәшкил едир. Ҝөрәсән Меһмет Гермез бу сөзләри дејәркән Иран барәдә дүшүнүбмү? Дүшүнүбмү ки, Иран артыг Шиәләрә аид олан Шуша мәсҹидинин рестовратсијасы илә бир нечә дәфә марагланыб? Мәнә елә ҝәлир ҝеҹ-тез Иран буна өз сәрт мөвгејини нүмајиш етдирәҹәк. Сонда биз Иранла Түркијәнин дини зәминдә тоггушмаларынын шаһиди олаҹағыг."
Диггәт: Хәбәрдән истифадә етдикдә мәнбәјә истинад лазымдыр
