Әһли Бејт -АБНА- хәбәр аҝентлијинин вердији хәбәрә әсасән: Һиҹаб вә Һиҹаб Гадағасы Мәһбусларыны Мүдафиә Комитәснин сәдри, Гуран вә Һүгуг үзрә докторантурада тәһсил алан, Һөҹҹәтүл-Ислам Фаиг Вәлизадә Сизинјол.ҹом сајтынын мүхбири илә мүсаһибәсиндә өлкәдә сон ҝүнләрдә давам едән репрессијалар һаггында дејиб: “Игтидар мүсәлман халгымызын иманлы, гәһрәман, мүбариз вә шүҹаәтли алим вә ҹаванларыны шәрләјиб зинданлара атмагла өзләрини һәм халгымызын ҝөзүндә, һәм дә дүнјанын азадлыгсевәр иҹтимаијјәтинин нәзәриндә там шәкилдә ашағы салды. Дахилдә вә хариҹдә ҝөздән дүшмүш игтидар артыг нә едәҹәјини билмир. Ҝүндән-ҝүнә шөләләнән етираз далғаларында игтидар ислаһат апарыб, мүсәлман халгын алим, зијалы вә гејрәтли ҹаванларынын тәләбләринә ҹаваб вермәк әвәзинә, өз “голчомагларына” дәјәнәк вериб сәсини чыхаранлары дөјмәклә мәшғулдур. Амма игтидар буну да билисн ки, бизим ҹаванларымыз тарих боју бу гәдәр тәзјигә дөзмәјиб. Горхун о ҝүндән ки, дәјәнәк мүсәлман халгын өз әлиндә олсун!”
Мүдафиә Комтәсинин сәдри тезликлә дин, азадлыг, виҹдан вә мүстәгиллик фәрјады чәкдији үчүн шәрләнәрык һәбс олунмуш мәһбуслар һаггында халга мәлумат верән “Азәрбајҹанын мүбариз вә шүҹаәтли ҝәнҹләри” адлы китабын биринҹи ҹилдинин ишыг үзү ҝөрәҹәјини вурғулады. Комитә сәдри бу һагда әлавә етди: “Бу Китаб өлкәмизин мүасир демакратија вә мүстәгиллик дөврүндә һаким партијанын өз мүсәлман халгына тутудуғу дивандан сөз ачыр вә мүһарибә шәраитиндә олдуғумуза бахмајараг, һүгугу позулмуш мүбариз, шүҹаәтли вә иманлы ҝәнҹләрин игтидар тәрәфиндән һансы тәзјигләрә, бөһтан вә һагсызлыглара мәруз галмасы һаггында ҝениш охуҹу күтләсинә мәлумат чатдырыр, бәзи тәһлилләр верир.” Һүгуг мүдафиәчиси сөзүнүн ахырында әлавә етди: “Китабда виҹдан, дин, өрпәк, азадлыг вә мүстәгиллик шүраына ҝөрә һәбс олунмуш бүтүн мәһбуслардан сөз ачлыр вә онларын шүҹаәти вә гәһрәманлығы һаггында мәлумат верилир. Китаб бир неҹә ҹилддә чап олунаҹаг вә ҝәләҹәкдә рус, инҝилис вә әрәб дилләринә дә тәрҹүмә едиләҹәк. Бу биринҹи һиссәдир. Сәбәби дә одур ки, һәбс олунмуш гејрәтли, мүбариз вә иманлы алим вә ҝәнҹләримизин бир дәстәси һәлә дә наһаг јерә истинтаг ишҝәнҹәләри алтындадыр вә мәлум дејил ки, өз мүсәлман халгына дүшмән кәсилмиш бу ҝүнкү игтидар онларын башына нә ојун ачаҹаг. Она ҝөрә дә неҹә дејәрләр “Давам едир 37” – мөвзусунда һазырланан бу китабы игтидарын ағыллы вә тәдбирли планлары илә үмумијјәтлә ләғв етмәк олар. Амма, зүлмүн, һагсызлығын, бөһтан вә шәр кампанијаснын давамы белә китаблары онларҹа ҹилдә чатдыра биләр. Китаб бүтүн дүнјада һәмвәтнләримизин вә һүгуг мүдаифәчиләринин ихтијарында гојулаҹыг.”
PS. Диндар мәһбусларын аиләләри вә бүтүн јахынларындан хаһиш олунур ки, мәһбусларла бағлы материаллары, фотошәкилләри info@hicab.org електрон үнванына ҝөндәрсинләр.
sizinyol.cом сајтынын мухбири
2011-10-14
Hicab.org
Диггәт: Хәбәрдән истифадә етдикдә мәнбәјә истинад лазымдыр
