Әһли Бејт -АБНА- хәбәр аҝентлијинин вердији хәбәрә әсасән: Октјабр ајынын 13-дә Татарыстанда “Әбу Зәр” мәсҹид комплексинин нәздиндә мүсәлман ушаглар үчүн интернат мәктәб ачылаҹаг.
Мәктәб мүдиријјәтинин мәтбуата мүсаһибәсиндә тәлим-тәһсил оҹағынын истедадлы ушагларын сосиал вә мәдәни инкишафына јардым мәгсәдилә јарадылдығы билдирилиб. Мәктәбдә истедадлы шаҝирдләрин, еләҹә дә азтәминатлы, чохушаглы, јетим вә гачгын аиләләрин ушагларынын тәһсил алаҹағы гејд олунуб.
“11-17 јашарасы ушаглар орта тәһсилләрини мәктәбләрдә алаҹаглар. Бурада исә онлар әнәнәви ислам дәјәрләри үзрә тәрбијә олунаҹаглар. Һабелә, Казан университетинә гәбул олунмағы арзу едән абитуријентләр бурада һазырлыг курсу кечә биләҹәкләр”, - дејә мәктәб мүәллимләриндән бири мүсаһибәсиндә билдириб.
Хәбәрләрдә тәһсил комплексинин ачылышында Русија Федерасијасынын Руһани Идарәсинин нүмајәндәләринин дә иштирак едәҹәји хәбәр верилир.
Мәлумат үчүн билдирәк ки, бир мүддәт әввәл Татарыстанын пајтахты Казанда мәдрәсә дә фәалијјәтә башлајыб.
Диггәт: Хәбәрдән истифадә етдикдә мәнбәјә истинад лазымдыр
