Әһли Бејт -АБНА- хәбәр аҝентлијинин вердији хәбәрә әсасән: Октјабрын 12-дә Азәрбајҹан Ислам Партијасы (АИП) Республика Прокурорлуғуна јени јазылы мүраҹиәт үнванлајыб. Партијанын мәтбуат хидмәтиндән “Медиа форум” сајтына верилән мәлумата ҝөрә, мәктубда АИП-ин гәрарҝаһынын гајтарылмасы тәләб олунуб.
АИП-ин Бакыда, Һидајәтзадә күчәси, 51-дә јерләшән гәрарҝаһынын гапысы бу ил јанварын 13-дә ганунсуз шәкилдә мөһүрләниб. Республика Прокурорлуғу әмәкдашларынын апардығы ахтарышдан сонра гәрарҝаһдан компүтерләр, ҸД-ләр, партија сәнәдләри ҝөтүрүлүб. Әввәлки ҝүнләрдә офисин јалныз 3 ҝүн бағлы галаҹағы дејилсә дә, индијә гәдәр гәрарҝаһ ҝери гајтарылмајыб.
Партијанын мәтбуат хидмәтиндән билдирибләр ки, ејни мөвзулу биринҹи мәктуб Республика Прокурорлуғуна сентјабрын 22-дә ҝөндәрилмишди: “Амма тәәссүф ки, бу ҝүнә гәдәр мүраҹиәтә һеч бир ҹаваб верилмәјиб. Партија һеч бир мәһкәмә гәрары олмадан бағланмыш гәрарҝаһынын ҝери гајтарылмасындан өтрү јаздығы икинҹи мүраҹиәтә ҹаваб алмајаҹағы тәгдирдә мәһкәмә органларына үз тутаҹаг”.
АИП лидери вә партијанын бир нечә функсионери бу ил јанвар ајынын әввәлләриндә һәбс олунублар. Бүтүн бу һәбсләр сијаси характерлидир.
Диггәт: Хәбәрдән истифадә етдикдә мәнбәјә истинад лазымдыр
