Әһли Бејт -АБНА- хәбәр аҝентлијинин вердији хәбәрә әсасән: Октјабрын 13-дә Бакы Апеллјасија Мәһкәмәсиндә “Исламазери.аз” сајтынын баш редактору Рамин Бајрамов барәсиндә Сәбаил Рајон Мәһкәмәсинин 5 октјабр гәрарындан верилмиш шикајәтә бахылаҹаг. Мәлуматы вәкил Рамил Мәммәдов вериб.
Мәһкәмә саат 15:00-а тәјин олунуб. Һаким Әмир Бајрамовдур.
Октјабрын 5-дә Сәбаил Рајон Мәһкәмәси Рамин Бајрамов барәсиндә сечилмиш һәбс гәтимкан тәдбиринин даһа 2 ај узадылмасына гәрар вериб. О, Ҹинајәт Мәҹәлләсинин 234.1 (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә шүбһәли шәхс гисминдә бу ил августун 11-дә тутулуб. Августун 13-дә Сәбаил Рајон Мәһкәмәси Рамин Бајрамов һагда һәбс гәтимкан тәдбири сечиб.
Вәкил Рамин Мәммәдов “Медиа форум” сајтына ачыгламасында билдириб ки, октјабрын 11-дә һүгугларыны мүдафиә етдији шәхслә ҝөрүшүб: “Истинтаг һәрәкәтләри давам едир. Индијә гәдәр һеч бир үзләшмә просеси кечирилмәјиб. Јалныз Рамин Бајрамовун ифадәләри алыныр. Һәр һансы шаһидин диндирилмәси илә бағлы мәлуматымыз јохдур”.
Вәкил ону да билдириб ки, апеллјасија шикајәтиндә һәбс гәтимкан тәдбиринин ев дустаглығы илә әвәзләнмәсинә даир мәсәлә дә әлавә едиб.
Рамин Бајрамов МТН-ин тәҹридханасында сахланыр.
Диггәт: Хәбәрдән истифадә етдикдә мәнбәјә истинад лазымдыр
