Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Бакы шәһәри Сәбаил Рајон мәһкәмәсиндә илаһијјатчы Абҝүл Сүлејмановун мәһкәмәси кечирилиб. Мәһкәмә Һаҹы Абҝүлүн истинтаг мүддәтини даһа 3 ај узадыб.
Анар Гасымлы мәһкәмәнин олаҹағы барәдә мәлуматы бу ҝүн әлдә етдијини дејиб.
Мәһкәмә гапалы кечирилиб.
Вәкил билдириб ки, Абҝүл Сүлејманов үчүн јени иттиһамларын ирәли сүрүләҹәји еһтималына ҝөрә онун истинтаг мүддәти даһа 3 ај узадылыб. Ариф Гәнијевин исә истинтагы 2 ај узадылыб.
Хатырладаг ки, танынмыш руһани Һаҹы Абҝүл Сүлејманов Милли Тәһлүкәсизлик Назирлијинин әмәкдашлары тәрәфиндән сахланылмышды. Милли Тәһлүкәсизлик Назирлијинин әмәкдашлары онун олдуғу евә басгын едәрәк ону зоракылыгла автомобилә миндирибләр. МТН евдә вәһшилик төрәдиб; ев әшјалары сындырараг јарарсыз һала салыб. Һаҹы Абҝүл Сүлејмановун вәкили Анар Гасымов, мүвәккилинин ҹинајәт мәҹәлләсинә әсасән 234.1. (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә ШӘРЛӘНӘРӘК сахланылдығыны билдириб.
Диггәт: Хәбәрдән истифадә етдикдә мәнбәјә истинад лазымдыр
