Ахундзадәләр аиләси тәһдид вә тәзјигләрлә үз-үзә

Әһли Бејт -АБНА- хәбәр аҝентлијинин вердији хәбәрә әсасән: Ахундзадәләр аиләсинин үзвү Мәһәммәдәли Ахундзадә Руфуллаһ олғунун Хәбәр.Инфо хәбәр порталына вердији мәлумата ҝөрә, онларын аиләси вә шәхсән өзү һүгуг-мүһафизә органлары тәрәфиндән тәзјигләрә мәруз галыр. Мәһәммәдәли билдирди ки, һүгуг мүһафизә органларынын јерли инстансијалары тәрәфиндән бизә гаршы тәзјигләр олунур:“Һесаб едирик ки, бизә гаршы олунан бу ганунсуз һәрәкәтләр атам Руфулла Ахундзадәнин сијаси фәалијјәти илә бағлыдыр. Сизә мәлумдур ки, атам Ахундзадә Руфулла Азәрбајҹан Ислам Партијасынын Астара Комитәсинин сәдридир. Вә елә сијаси фәалијјәтинә ҝөрә һазырда һәбсдәдир. Онун һаггында башланмыш мәһкәмә просеси һәлә битмәјиб. Атам һәбс олундугдан сонра аиләмизә гаршы тәзјигләр башлајыб вә бу тәзјигләр һәлә дә давам етмәкдәдир. Сонунҹу исә 05.10.2011-ҹи ил тарихиндә баш вериб. Белә ки, Ағыр Ҹинајәтләр Мәһкәмәсинин гаршысында, һәлә мәһкәмә просеси башламамыш орада олан полисләр анама вә мәнә гаршы ифрат кобудлугла давранмыш, физики зор тәтбиг етмишләр. Мәһкәмә просесинин фасилә заманы исә мәни полисләр һеч бир әсас олмадан зорла машына миндириб, Нәсими Рајон Полис Идарәсинә апардылар. Орада мәндән мәзмуну илә таныш олмадығым әризијә гол чәкмәјә тәләб етдиләр. Дәфәләрлә тәкидә бахмајараг гол чәкмәдијими ҝөрүб мәни сәрбәст бурахдылар. Биз Ахундзадәләр аиләси хаһис едирики ки, өлкә башчысы бизә гаршы олан ганунсуз һәрәкәтләрин арашдырылмасы барәдә ҝөстәриш версин. Дүшүнүрүк ки, баш верән ганунсуз һәрәкәтләр барәдә өлкә башчысында мәлумат јохдур вә мәсәлә илә таныш олдугдан сонра проблеми јолуна гојаҹағына инанырыг” Диггәт: Хәбәрдән истифадә етдикдә мәнбәјә истинад лазымдыр