Әһли Бејт -АБНА- хәбәр аҝентлијинин вердији хәбәрә әсасән: Гафгаз Мүсәлманлары Идарәсинин сәдри Шејхүлислам Аллаһшүкүр Пашазадә Ирана сәфәри заманы Дүнја Мүсәлманларынын Али дини лидери Сејјид Әли Хаменеи илә ҝөрүшүб.
ГМИ-нин мәтбуат хидмәтиндән дахил олан мәлумата ҝөрә, “Фәләстин халг һәракатынын мүдафиә олунмасы” мөвзусунда В бејнәлхалг конфранс чәрчивәсиндә дини лидерләрин кечирилән ҝөрүшүндә Азәрбајҹан халгынын салам дуаларыны Имам Сејјид Әли Хаменеијә чатдыран Аллаһшүкүр Пашазадә, Фәләстин халгынын һагг мүбаризәсинә һәр заман дәстәк олдуғуну дејиб, халгымызын һагг иши – Гарабағ проблеминин һәллиндә дә мүсәлман һәмрәјлијинин ваҹиблијини билдириб.
Азәрбајҹан халгына вә онун рәһбәрлијинә саламларыны јетирмәји шејхүлисламдан истәјән Дүнја Мүсәлманларынын Имамы өз нөвбәсиндә Гарабағ проблеминин һәллиндә, әдаләтин бәрпасында Иранын һәр заман олдуғу кими јенәдә Азәрбајҹанын јанында олдуғуну дилә ҝәтириб.
Сәмими гардашлыг шәраитиндә баш тутан ҝөрүшдә Азәрбајҹанла Иран Ислам Республикасы арасында мәнәви әлагәләрин даһа да инкишаф етдирилмәсинин әһәмијјәти вурғуланыб, халгларымыз вә дөвләтләримизин мәнафеји наминә әмәкдашлығын даһа да дәринләшдирилмәси зәрурәтиндән сөһбәт ачылыб.
Диггәт: Хәбәрдән истифадә етдикдә мәнбәјә истинад лазымдыр
