Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Азәрбајҹан Ислам Партијасынын (АИП) сәдри Һаҹы Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партија сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Сејјид Фәрамиз Аббасов вә Зүлфүгар Микајылзадәнин ҹинајәт иши үзрә мәһкәмәнин нөвбәти иҹласы кечрилир.
Мәһкәмә иҹласы заманы әввәлки јердән давам етди. Хатырладаг ки, өтән иҹласда дөвләт иттиһамчысы чыхыш едәрәк иттиһам олунан шәхсләрә 12- иләдәк һәбс ҹәзасы истәмишди. Мәһкәмә чыхыша һазырлашмаг үчүн вәкилләрә вахт вермишди.
Илк олараг Һаҹы Мөвсүм Сәмәдов вә Руһулла Ахундзадәнин вәкили Анар Гасымлы чыхыш етди. О билдирди ки, мәһкәмә просеси кечирилән вахт әрзиндә иттиһам олунан шәхсләрә гаршы һәр һансы бир сүбут олмамышдыр. Мәһкәмә тәдгиги заманы тәгдим олунан сүбутлар јалныз АИП сәдри Һаҹы Мөвсүм Сәмәдовун 2 јанвар 2011-ҹи ил тарихдә АИП Баш Мәҹлисинин иҹласы заманы чыхышы әсасында тәгдим олунмушдур:
“Һөрмәтли мәһкәмә. АИП сәдри өлкәдә баш верән мәсәләләр јалныз өз мүнасибәтин билдириб вә бу Һаҹы Мөвсүмүн констититсион һаггыдыр. Бу барәдә чыхышлары диҝәр партијаларын да рәһбәрләри едиб. Диҝәр тәрәфдән әҝәр бу чыхыш һәр һансы ҹинајәтә һесаблашмышдыса биз ҝөрүрүк ки, 2 јанвардан Һаҹы Мөвсүмүн һәбс олунмасына гәдәр олан бир вахтда өлкәдә һансыса бир һадисә баш вермәјиб.”
А. Гасымлы бу иттиһамын садәҹә олараг бир ссенари олдуғуну өнә чәкәрәк билдирди ки, һәтта шаһид ифадәләриндә олан зиддијәтләр, тапылан силаһларын мәнбәјинин ҝөстәрилмәмәси иттиһам олунан шәхсләрә гаршы гурулмуш бир ссенаринин олмасындан хәбәр верир.
А. Гасымлы иттиһамда олан “мүтәшәккил дәстә” ифадәсинә тохунараг билдирди ки, истинтаг бу факты сүбут етмәјиб вә бу шәхсләрин һансыса әлагәсини тәсбит етмәјибдир:
“Мәһкәмә заманы да бунлар сүбут олунмады. Губадан ики нәфәр адамын шаһидлији илә бу ҹүр ағыр иттиһамы сүбут олунмуш һесаб етмәк олмаз. Ахы бу абсурддур. Неҹә олду ки. Бунлар террор еләмәк истәдиләр анҹаг буну Губада һансыса өзүнү диндар кими тәгдим едән, һәтта намазы белә неҹә гылынмасыны билмәјән ики нәфәр ҝөрдү?”
Мәһкәмә просеси заманы әдаләтсиз гәрарлара да өз етиразыны билдирән А. Гасымлы мүдафиә тәрәфинә кифајәт гәдәр шәраитин јарадылмамасындан шикајәтләнди. Експертләрин рәји мәсәләси дә вәкилин чыхышында өз әксини тапды. О, билдирди ки, инсанын данышығынын она аид олуб–олмамасынын јохламаға борҹлу олан филолог експертләр һүгуги контексдән чыхыш едәрәк рәј верибләр ки, бу чыхыш дөвләт чеврилишинә јөнәлиб: “Ахы онларын буна ихтијары јохдур. Һеч олмаса бу ишә аидијјаты олан адамлары ҹәлб едәрдиләр ки, инандырыҹы олсун.”
Мүдафиә етдији Руһулла Ахундзадәнин дә ејни иттиһамларла гаршы-гаршыја олдуғуну өнә чәкән Анар Гасымлы билдирди ки, Һаҹы Мөвсүм һәбс олунанда Руһулла Иранда иди: “Әҝәр иттиһамда ҝөстәрилән кими о Ирандан дәстәк алырдыса онда даһа нијә гајыдырды. Билирди ки, Һаҹы Мөвсүмү тутублар.”
Руһулла Ахундзадәнин чыхышына диггәт чәкән вәкил бунун һәлә 2009-ҹу илдә олдуғуну вә бунун һаггында мәһкәмә гәрары илә иттиһамын ләғв олундуғуну билдирди.
Чыхышынын сонунда Анар Гасымлы бир мисал чәкди вә гејд етди ки, ишә әдаләтли гијмәт верилсин вә мүдафиә етдији шәхсләр азад олунсун:
“Инсан Аллаһын әсәридир. Әҝәр Аллаһын әсәрини наһаг јерә ајаглар алтына атаҹагларса билин ки, Аллаһын ҹәзасы ағыр олаҹаг.”
Даһа сонра АИП сәдринин мүавини Һаҹы Вагиф Абдуллајевин вәкили Немәт Һејдәров чыхыш етди. О билдирди ки, Вагиф Абдуллајевин ады ҹинајәт иши материалларында чәкилмир. Мәһкәмә истинтагы заманы да һәр һансы шаһидләр диндирилмәјиб вә сүбутлар јохдур. Амма она гаршы ағыр иттиһамлар сүрүлүр. Бунлары сүбут етмәк лазымдыр. Һәтта прокурор да чыхышында һаҹы Вагифин адыны чәкмәди, онун һаггында һәр һансы сүбут ҝәтирмәди:
“Һаҹы Вагиф јалныз АИП үзвләрини баш мәҹлисә чағырмагда ҝүнаһландырылыр. Әҝәр бу ҹинајәтдирсә онда ҝәлән адамлары ҝәтирән машынларын сүрүҹүләри, метро сүрүҹүләри вә диҝәрләри дә иттиһам олунмалы иди. Һәмчинин ҝәлән шаһидләрин һеч бири Вагиф Абдуллајеви танымады. Ахы бу адамын ҝүнаһы сүбут олунмалыдыр.”
Даһа сонра мәһкәмәдә фасилә елан олунуб.
Мәһкәмә һал һазырда давам етмәкдәдир. Мәһкәмнин икинҹи һиссәсини даһа сонра диггәтинизә чатдыраҹағыг.
Гејд: Мәһкәмәнин гаршысында 200-ә јахын исламчы топлашмыш вә мәһкәмәнин гәрарыны ҝөзләјир. Һәмчинин әразијә чохлу сајда полис әмәкдашы ҹәлб едилиб.
Diqqət: Хәбәрдән истифадә етдикдә мәнбәјә истинад лазымдыр
