Әһли Бејт -АБНА- хәбәр аҝентлијинин вердији хәбәрә әсасән: Иран Ислам Шурасы Мәҹлисинин сәдри дејиб: Реҝиондал гијамлар мәзлум Фәләстин үчүн бир нөв ҝениш халг дәстәјини тәдарүк ҝөрмәкдир.
Иран Ислам Шурасы Мәҹлисинин сәдри Әли Лариҹани Фәләстинин Мүдафиәси 5-ҹи Бејнәлхалг Конфрансын ачылыш мәрасиминдә конфранс гонагларына үзүнү тутараг дејиб: Иран Ислам Республикасы парламенти бу конфрансы елә бир шәраитдә тәшкил едир ки, Фәләстин мәсәләси ән һәссас вә долашыг заман чәрчивәсиндәдир.
Лариҹани һабелә өтән 50 илдә Фәләстинин азадлығы јолунда танынмыш мүбариз сималардан олан Ислам Ингилабынын Бөјүк Рәһбәри Һәзрәт Ајәтуллаһүлүзма Хаменеинин бу конфрансдакы иштиракыны конфрансын әһәмијјәтинин ҝөстәриҹиси һесаб едиб.
5-ҹи Фәләстин Интифазәсинә Дәстәк Бејнәлхалг Конфрансы 50-дән чох парламент һејәти, алимләр, зијалылар вә ислам вә гејри-ислам өлкәләринин сијаси рәсмиләринин иштиракы илә бу ҝүн Теһранда ишә башлајыб.
2 ҝүн мүддәтинә "Фәләстин; Фәләстинлиләрин вәтәнидир" шүары илә кечирилән бу бејнәлхалг конфрансда вурғуланаҹаг ки, фәләстинлиләр вәтән архасынҹа дејилләр вә онларын вәтәни бүтүн мүәјјән ҝенишлији олан Фәләстиндир.
Реҝион өлкәләриндә ислами ојаныш вә ислам өлкәләринин бир чохунун јени һәрәкәтә башладығыны нәзәрә алдыгда, бу конфрансы кечирилмәси, дүнја өлкәләринин парламент вә сијаси һејәтләринин, һабелә ислам дүнјасынын мүтәфәккирләри вә зијалыларынын дәвәт олунмасы зәруридир вә Иран Ислам Республикасы Фәләстин интифазәнин дәстәкләнмәсиндә әввәлләрдә олдуғу формада өнҹүл кими 5-ҹи Фәләстин Интифазәсинә Дәстәк Бејнәлхалг Конфранса ев саһиблији едир.
Диггәт: Хәбәрдән истифадә етдикдә мәнбәјә истинад лазымдыр
