Әһли Бејт -АБНА- хәбәр аҝентлијинин вердији хәбәрә әсасән: Август ајында Милли Тәһлүкәсизлик Назирлији әмәкдашларынын шәрләјәрәк һәбс етдији руһани Абҝүл Сүлејманова јени иттиһам ирәли сүрүлүб. Вәкил Анар Гасымлынын сајтына вердији мәлумата ҝөрә, Абҝүл Сүлејмановун иши ағырлашдырылыб. Индијә гәдәр о, Ҹинајәт Мәҹәлләсинин 234.1-ҹи маддәси илә (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) шәрлнәрәк иттиһам олунурду.
Вәкил билдириб ки, јени шәрләнмәјә ҝөрә, Абҝүл Сүлејманова 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) иттиһам верилиб. Ејни заманда ишә Ҹинајәт Мәҹәлләсинин 228.1-ҹи маддә илә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) иттиһамы әлавә олунуб.
Диггәт: Хәбәрдән истифадә етдикдә мәнбәјә истинад лазымдыр
