Әһли Бејт -АБНА- хәбәр аҝентлијинин вердији хәбәрә әсасән:
Шаһидләрин билдирдијинә әсасән, өтән ҝүн ҝеҹә саатларында Али-Хәлифә режиминин сүгутуну тәләб едән етиразчылара һүҹум олуб. Бәһрејн вә Сәудијјә Әрәбистаны гүввәләри нүмајишчиләри дағытмаг үчүн ҝөзјашардыҹы газдан истифадә едиб.
Дөвләт тәрәфиндән амансыз ишҝәнҹәләрә мәруз галан бәһрејнли мүхалифләр сон аксијада тәһлүкәсизлик гүввәләриндән ҝизли галмаг үчүн үзләри өртүлү шәкилдә күчәләрә ахышыблар.
Бәһрејндә етираз аксијалары башлајан ҝүндән чох сајда инсанлар Бәһрејн дөвләт гүввәләри тәрәфиндән гәтлә јетирилиб, бир чох етиразчылар ағыр шәкилдә јараланыб. Јүзләрлә етиразчы нүмајишләрин амансызлыгла јатырылдығындан сонра һәбс едиләрәк, намәлум истигамәтдә апарылыб. “Амнестј Интернатионал” тәшкилаты вә Инсан һагглары тәшкилатынын нәзарәтчиләри дә Бәһрејн вәтәндашлары, һәкимләр, вәкилләр, КИВ ишчиләринин дөвләт гүввәләри тәрәфиндән вәһшиҹәсинә сусдурулмасыны кәскин тәнгид едир.
Диггәт: Хәбәрдән истифадә етдикдә мәнбәјә истинад лазымдыр
