Әһли Бејт -АБНА- хәбәр аҝентлијинин вердији хәбәрә әсасән:
Түркијә мәтбуатына истинадән вердилән хәбәрә ҝөрә, Гәрбин Ислам чоғрафијасынын там ортасында Исраили јаратмагда микроб олараг бу әразиләри даим "мәшғул етмәк" мәгсәди ҝүддүјүнү сөјләјән С.Өзҝүндүз билдириб: “Сурија дөвләти бу бөлҝәдә Мәсҹид-и Аксанын ишғалчыларына гаршы мүбаризә апаран мүҹаһидләрин һимајәдары вә сығынаҹағы олуб. Исраил, АБШ вә Авропа Иттифагы бу һөкумәти јыхмаг истәјир. Буну баша дүшмәк о гәдәр дә чәтин дејил. Суријада оланлар әрәб өлкәләри арасында Суријадан даһа азад бир өлкә олмадығыны јахшы билирләр. Сәудијјә Әрәбистаны Суријадан азад дејил. Сәудијјә Әрәбистаны Пејғәмбәрә вәһј ҝәлән јери зибиллијә чевириб. Түрк әсәри олан һәр шеји дағыдыблар. Инди дә Бәһрејндәки силаһсыз халгы гырырлар. Инсанлары шиә олдуглары үчүн мәсҹидләрдә гәтлә јетирилирләр. Инсан һаглары адына бир дәрдләри варса, десинләр, биз дә биләк. Әҝәр беләдирсә, түркләрә гаршы хүсуси дүшмәнчилији олан, вәһһабилик режими илә идарә едилән Сәудијјә режими илә бу достлуг нәдир? Индијә гәдәр Сурија режими һеч бир әрәб өлкәсинә һүҹум етмәјиб. Һәмишә Исраил вә империалистләрә гаршы дик дуруб. Бәшәр Әсәди өз халгына мәзһәбиндән долајы һүҹумлар едән Сәддам Һүсејн илә гарышдырмајын. Һөкумәтимизин Сурија мәсәләсиндә Ислами бирлији, дөвләт бирлијини позаҹаг, чоғрафијаны дәјишдирәҹәк вә Ислам ҹоғрафијасыны кичик һиссәләрә парчалајаҹаг бир ојунун ичиндә олмаг ҝүнаһыны әсла бојнуна ҝөтүрмәјәҹәјини билдијим үчүн ичим раһатдыр”.
Диггәт: Хәбәрдән истифадә етдикдә мәнбәјә истинад лазымдыр
