Әһли Бејт -АБНА- хәбәр аҝентлијинин вердији хәбәрә әсасән:
Mәлум олдуғу кими 12.08.2011-ҹи ил тарихдә Республика Милли Тәһлүкәсизлик Назирлији вә Республика Баш Прокурорлуғу ачыглама јајараг билдирмишдир ки, Абҝүл Сүлејманов, Ариф Гәнијев, Рамин Бајрамов ҹинајәт мәҹәлләсинин 228.1 (ганунсуз олараг одлу силаһ, дөјүш сурсаты сахлама, дашыма вә ҝәздирмә) вә 234-ҹү (ганунсуз олараг наркотик васитәләри әлдә етмә, сахлама, дашыма) маддәләри илә ҹинајәт иши башланылыб.
Бир сыра информасија васитәләриндә һәмин шәхсләри Азәрбајҹан Ислам Партијасынын үзвү кими гәләмә вермишдиләр.
Мәлумат үчүн билдирир ки, Абҝүл Сүлејманов вә Рамин Бајрамов Азәрбајҹан Ислам Партијасында сијаси фәалијјәтиндә иштракы вә ролу олмајыб. Ариф Гәнијев исә Ислам Партијасына бу илин март ајынын әввәлиндә ҝәлиб вә Сумгајыт шәһәр комитәсинин сәдри вәзифәсинә тәјин олунуб.1 ај сонра исә гурумун тәшкилати мәсәләләр үзрә сәдр мүавини вәзифәсинә ҝәтирилиб.
АИП бир даһа бәјан едир ки, гурум мөвҹуд Низамнамәјә әсасән фәалијјәт ҝөстәрир, дөвләтчилијинин мөһкәмләнмәсинә, милли-мәнәви дәјәрләрин горунмасына, өлкәдә демократик принсипләрин инкишаф етдирилмәсинә, өлкәнин әрази бүтөвлүјүнүн тәмин олунмасынына чалышыр, халгынын сосиал һәјат шәраитинин јахшылашдырылмасы уғрунда мүбаризә апарыр.
Партијанын фәалијјәти шәффаф вә ајдындыр, атдығы аддымлар өлкәни күтләви информасија васитәләри дә вахтаашыры ишыгландырыр.
Биз АИП –ин үнванына дејилән негатив фикирләри вә ифтиралары гәбул етмир, буну инсанларын әгидәсинә ҝөрә тәгиб олунмасы кими гијмәтләндиририк
Диггәт: Хәбәрдән истифадә етдикдә мәнбәјә истинад лазымдыр
