Әһли Бејт -АБНА- хәбәр аҝентлијинин вердији хәбәрә әсасән: Ишғалчы АБШ-ын Азәрбајҹандакы сәфири Метју Брајза христианлыг миссјасыны азәрбајҹанда тамамламагдан өтрү Гәбәлә рајонунун Ниҹ кәндиндәки Удин иҹмасы илә ҝөрүшүб вә мүсәлман мәсҹидләринин дағыдылдығы, антиислам сијасәтләринин ҝенишләндији бир заманда әлијевләр тәрәфиндән јениләнмиш Удин килсәсинә баш чәкиб.
Сәфирлијин мәтбуат хидмәтиндән АПА-ја верилән мәлумата ҝөрә, сонра сәфир килсә әразисиндә иҹма үзвләри илә наһар да едиб вә Удин иҹмасы илә даһа да јахындан таныш олуб.
М. Брајза Ҹәнуби Гафгаз реҝионунун зәнҝин мәдәни ирсини сахламаг үчүн Удин килсәсинин бәрпасы кими горујуб сахлама лајиһәләринин ваҹиблијини гејд едиб: “Мәдәни вә дини абидәләрин горунуб сахланмасы сијаси, мәдәни вә дини фәргләри дә үстәләјән бөјүк бәшәри әһәмијјәтә маликдир. Сизин килсәнин, мәдәнијјәтинизин вә дилинизин горунуб сахланмасы мүхтәлифлик вә толерантлыға ҝөзәл нүмунәдир. Бу јахынларда Бакыдакы ермәни килсәсиндә олдум вә сәмими олараг инанырам ки, ҝүн ҝәләҹәк вә инсанлар о килсәдә сизин бурда ибадәт етдијиниз кими, ибадәт едә биләҹәкләр. Јерли рәсмиләрин вә вәтәндашларын Аллаһын евләринә ҝөстәрдији еһтирамы ҝөрмәјә чох шадам”.
Сәфирликдән билдирилиб ки, М. Брајзанын зијарәти Гәбәлә вә Ҝөјчај рајонларына үчҝүнлүк сәфәр чәрчивәсиндә баш тутуб. Сәфәр заманы о, АБШ-ын Сүлһ Корпусунун тәшкил етдији ҝәнҹ лидерләр дүшәрҝәләринин иштиракчылары илә сөһбәт едиб, иҹра башчылары илә ҝөрүшүб вә АБШ-ын Бејнәлхалг Инкишаф Програмынын (УСАИД) мәгсәди Ҝөјчај рајонунда ҝәлирләри артырмаг вә јени иш јерләри јаратмаг олан Азәрбајҹанда Рәгабәтлилик вә Тиҹарәт програмындан јарарланан нар емалы мүәссисәсинә баш чәкиб.
Гејд едәк ки, христиан мисонери М.Брајзанын јухарыда дедији сөзләр бир даһа ону субут едир ки, АБШ ишғалчылары Азәрбајҹанда мәһз ермәниләшмә сијасәтини јүрүдүр вә даим нә вахтса мүсәлман торпаглары олан Ҹәнуби Гафгазы христианлашдыраҹаглары ҝүнүн һәсрәтиндәдирләр. Гарабағ ишғалы, 20% мүсәлман торпагларымызын ермәниләрә верилмәси вә гондарма Минск групун 18 ил әрзиндә Азәрбајҹанын леһинә һеч бир ишин ҝөрмәдији үстәлик Азәрбајҹана сәрт ветолар верәрәк һеч бир заман өзүнә вә диндар әһалијә архаланмамасыны билдирирләр.
Диггәт: Хәбәрдән истифадә етдикдә мәнбәјә истинад лазымдыр
