Әһли Бејт -АБНА- хәбәр аҝентлијинин вердији хәбәрә әсасән: ББС-нин хүсуси мүхбири Дамијен Маккуинз Азәрбајҹан һакимијјәтинин журналистләр үчүн јашајыш бинасы тикинтисини планлашдырмасы барәдә мәгалә јазыб.
Мүәллиф мәгаләсиндә билдирир ки, һөкумәтин бу аддымы, әслиндә, мүстәгил медиа үзәриндә дөвләт нәзарәтинин ҝүҹләндирилмәсинә һесабланыб: “Азәрбајҹан һөкумәти журналистләр үчүн јашајыш бинасынын тикинтиси һагда гәрар чыхарыб. Мүшаһидәчиләр вә һүгуг мүдафиәчиләри һесаб едир ки, һөкумәт бу аддымла дөвләтин медиа үзәриндә нәзарәтини фәргли тактика илә һәјата кечирмәк истәјир. Онларын фикринҹә, јашајыш бинасынын тикинтиси, әслиндә, мәтбуата рүшвәт верилмәси анламына ҝәлир. Нәзәрә алмаг лазымдыр ки, журналист үчүн мүһүм олан сөз азадлығыдыр”.
Маккуинз гәләмә алдығы мәгаләдә Иҹтимаи Палатанын кечирдији етираз аксијалары вә сијаси мәһбуслар мәсәләсинә дә тохунуб: “Хатырладаг ки, бир нечә ај өнҹә әрәб ингилабларындан илһамланан һөкумәт әлејһдарлары күчәләрә ахышараг Илһам Әлијевин истефасыны тәләб етдиләр. Етираз аксијаларыны һөкумәт гүввәләри зоракылыгла дағытды вә митингләрин тәшкилатчылары һәбс олунду. Бејнәлхалг һүгуг-мүдафиә тәшкилатлары исә Азәрбајҹан һакимијјәтини инсан һаглары вә сөз азадлығыны кобуд шәкилдә мәһдудлашдырмасына ҝөрә сәрт тәнгид едир”.
Диггәт: Хәбәрдән истифадә етдикдә мәнбәјә истинад лазымдыр
