Әһли Бејт -АБНА- хәбәр аҝентлијинин вердији хәбәрә әсасән: Мәлум олдуғу кими Тәһсил Назирлијинин мәктәб тикинтиси илә бағлы јејинти фактлары ашкарланыб. Артыг бу мәсәләјә ТН-дән реаксија верилиб.
Тәһсил Назирлији Әсаслы Тикинти Идарәсинин сектор мүдири Елман Әзимов “Азадлыг Радиосу”на ачыгламасында билдириб ки, Тәһсил Назирлијинин сифариши илә инша едилән мәктәбләрин һамысы чох јүксәк сәвијјәдә тикилир:
«Тәһсил Назирлији садәҹә, Назирләр Кабинетинин сәрәнҹамыны иҹра едир, тендер кечирир. Һаҹыбала Абуталыбов башда олмагла торпаг саһәси ајрылыр, сәнәдләр експертизадан кечирилир. Фөвгәладә Һаллар Назирлији башда олмагла тикинти баша чатдырылыр вә Тәһсил Назирлијинә тәһвил верилир. Тәк бир дејил, бир сыра дөвләт гурумлары бу ишләрин инкишафына нәзарәт едир.
Објект истисмара верилән вахт ајдын мәсәләдир ки, бүтүн аидијјәти гурумлар мөһүрләјиб, имза атырлар. Мәктәбләрин тикинтисиндә истифадә олунан тахталар Азәрбајҹанда истеһсал едилмир ки, Мәсәлән, Русијадан ҝәтирилир, ҝөмрүкдә кејфијјәти јохланылыр. Биз дә ондан дөшәмәјә вуруруг. Һәр отагда дөшәмәдән 1 вә ја 2 квадрат метр јер чүрүјүб. Белә һал евдә дә олур».
Әслиндә бу ачыгламадан да бәлли олур ки, ТН рәһбәрлији мәсулијјәтдән бојун гачырмаға чалышыр. Диггәт един назирлијин сектор мүдири һәтта һеч нәдән чәкинмәјәрәк онлара гаршы олан иттиһамы Бакы мери Һаҹыбала Абуталыбов вә фөвгәладә һаллар назири Кәмаләддин Һејдәровла да “пајлашыр”.
Әслиндә бу мәсулијјәтдән бојун гачырма анламыны дашыјыр. Ону да хатырладаг ки, ТН-дә тикинти сектору назир Мисир Мәрдановун халасы оғлу олан Аллаһверди Дәмировун нәзарәтиндәдир.
Диггәт: Хәбәрдән истифадә етдикдә мәнбәјә истинад лазымдыр
