Әһли Бејт -АБНА- хәбәр аҝентлијинин вердији хәбәрә әсасән: Әлијевләрин коррупсија илә мүбаризә кампанијасынын шоу олдуғуну һәр кәс билир.
Белә ки, әлијевләр режиминин дахилиндәки мәлуматлы гајнаг билдириб: «Азәрбајҹан һакимијјәти әслиндә Дүнја Банкынын коррупсија илә мүбаризә үчүн ајырдығы бир милјард доллары мәнимсәјиб. Јәни антикоррупсија тәдбирләринин өзүндә дә коррупсија баш вериб».
Хатырладаг ки, кечән илин сонларына јахын Азәрбајҹан һөкумәти илә Дүнја Банкы арасында коррупсија илә мүбаризә үчүн ортаглыг әлдә олунур вә бу мәгсәдлә бејнәлхалг малијјә институту тәрәфиндән Азәрбајҹана бир милјард доллар вәсаит ајрылыр. Бундан сонра рәсми Бакы коррупсија илә мүбаризә ҝөрүнтүсү јарадараг, онларла дишсиз мәмуру ҹәзаландырыр, һәтта һәбс олунанлар да олур. Амма просесин фундаментал маһијјәт дашымамасы елә илк башдан һисс олунур. Чүнки коррупсија илә мүбаризәнин апарылдығы бәјан едилсә дә, ән бөјүк коррупсионерләрә тохунулмур.
Елә кампанијанын илк ҝүнләриндә өлкәнин баш прокурору Закир Гаралов да һаглы олараг билдирир ки, мүбаризә апарылырса, өзүмүздән башламалыјыг. Амма һаким елитанын просесдән кәнар тутулмасы артыг бир һәгигәти ортаја чыхармыш олур: 1 милјард доллар мәнимсәнилир.
Мәнбәнин сөзләринә ҝөрә, артыг бу сәбәбдән рәсми Бакынын үнванына етиразлар дахил олмагдадыр вә һәтта тәзјигләр дә вар: «Һәтта Дүнја Банкы Азәрбајҹанла әмәкдашлыға сон гоја биләҹәјини дә долајы јолларла ифадә едиб».
Мәнбә билдирир ки, бу ҝүнләрдә Дүнја Банкынын јеткилиләриндән биринин Азәрбајҹана сәфәри ҝөзләнилир: «Һәмин сәфәр заманы коррупсија илә мүбаризәнин һесабаты да истәниләҹәк. Тәхминән бир ајдан сонра бу сәфәр баш тутаҹаг. Јәни Азәрбајҹан һакимијјәтинин бир ај вахты вар ки, һеч олмаса сон бир ајда атаҹағы аддымларла бејнәлхалг тәшкилаты гане едә билсин».
Диггәт: Хәбәрдән истифадә етдикдә мәнбәјә истинад лазымдыр
