Әһли Бејт -АБНА- хәбәр аҝентлијинин вердији хәбәрә әсасән: Иран Ингилаб Кешикчиләри Корпусунун (“Сепаһ”) органы олан һәфтәлик “Собһесадег” (Сүбһи садиг) нәшриндә ијулун 18-дә дәрҹ едилән бир јазыда Сурија илә бағлы апардығы сијасәтә ҝөрә Түркијәјә хәбәрдарлыг олунуб.
Рза Ҝәрмабдәринин “Иранын Сурија илә бағлы ҹидди мөвгеји” башлыглы јазысында билдирилир ки, Түркијә Ираны сечим гаршысында гојмамалыдыр, чүнки Иран ики өлкәдән бирини сечмәк мәҹбуријјәтиндә галса, Түркијәни јох, Суријаны сечәҹәк: “Әҝәр Түркијә рәсмиләри чохлу чахнашмаја ҝәтириб чыхараҹаг һазыркы сијасәтин давам етдирилмәсиндә исрарлы олсалар, бунун нәтиҹәсиндә исә Иран Түркијә илә Суријадан бирини сечмәк мәҹбуријјәтиндә галса, стратежи мәнафе мәнтиги Ираны Суријаја доғру сөвг етдирәҹәк. Јахысы будур ки, Түркијә рәсмиләри Иран үчүн өнәм дашыјан бу мәсәләни дәрк етсинләр, ағыллы бир сијасәт јүрүдәрәк Ираны сечим етмәк мәҹбуријјәтиндә гојмасынлар.
Сурија һөкумәтинә гаршы мүрәккәб фитнәнин башланмасы илә Түркијә мүлајим бир тонла Сурија һакимијјәтинә гаршы мөвге тутду. Лакин Суријада гырғын вә тәхрибатларын шиддәтләнмәсиндән сонра Түркијә рәсмиләри дә Суријаја гаршы тону сәртләшдириб ачыг-ашкар бу өлкә әлејһинә мөвге тутмаға башладылар. Бунунла да Түркијә рәсмиләри бу мәсәләдә Америка ҹәбһәсиндә олдугларыны нүмајиш етдирдиләр. Түркијә ики мәрһәләдә Сурија мүхалифәтинин бир араја ҝәлиб топланты кечирмәсинә ев саһиблији едиб. Түркијә Сурија илә сәрһәд зоналарында дүшәрҝәләр салмагла Сурија мүхалифләринә јардым ҝөстәриб. Суријанын бир сыра рәсмиләринин дедијинә ҝөрә, Сурија һакимијјәтинә гаршы чыхан мүхалифләрин ихтијарында олан силаһларын бир гисми Түркијә сәрһәдиндән Суријаја ҝәтирилиб.
Белә ҝөрүнүр ки, Түркијә рәсмиләри белә бир нәтиҹәјә ҝәлибләр вә ја бәлкә дә онлары белә бир нәтиҹәјә чатдырыблар ки, ҝуја Сурија гәти сүгута доғру ирәлиләјир вә Бәшәр Әсәдин сүгутундан сонра онлар (Түркијә) бу өлкәдә (Суријада) јаранаҹаг мүнбит вәзијјәт вә шәраитдән јарарланараг бурада бөјүк сәрмајәләр јатырыб өз арзуларына чатаҹаглар. Һалбуки мәсәлә тамамилә мүрәккәбдир вә Түркијә рәсмиләринин тәсәввүр етдијиндән там фәрглидир”.
Диггәт: Хәбәрдән истифадә етдикдә мәнбәјә истинад лазымдыр
