Әһли Бејт -АБНА- хәбәр аҝентлијинин вердији хәбәрә әсасән: Мәтбуатда ҝедән хәбәрә ҝөрә, Милли Ордумузун 3 јүксәк рүтбәли забит ибадәт етдикләринә ҝөрә, ашағы вәзифәјә кечирилибләр. Белә ки, “МилАз” информасија аҝентлији гејри-рәсми мәнбәләрдән әлдә етдији мәлуматлара ҝөрә, ҺҺГ вә ҺҺМГ-нин кимја хидмәтинин рәиси полковник-лејтенант Гәһрәман Мәнсијев Ҝоранбојда јерләшән һәрби һиссәләрин бириндә ашағы вәзифәјә ҝөндәрилиб.
ҺҺГ вә ҺҺМГ-нин аеродром хидмәтинин рәиси полковник-лејтенант Акиф Кәримов - Күрдәмирдә јерләшән һәрби һиссәләрин бириндә ашағы вәзифәјә ҝөндәрилиб.
ҺҺГ вә ҺҺМГ-нин шәхси һејәтлә иш үзрә идарәсинин забити мајор Намиг Ҹамалов - Минҝәчевирдәки һәрби һиссәләрин бириндә ашағы вәзифәјә ҝөндәрилиб.
Мүдафиә Назирлијинин мәтбуат хидмәтинин рәиси Елдар Сабироғлу исә ордуда намаз гыланлара гаршы гәтијјән белә бир аддым атылмадығыны вә мәтбуатда белә бир сөз-сөһбәтин ортаја атылмасындан тәәссүфләндијини билдирди: “Мән чох тәәссүф едирәм ки, мәтбуатда тез-тез бу мәсәлә мүзакирә едилир. Ордумузда намаз гыланлара гаршы һеч бир мәнфи мүнасибәт јохдур. Бу мәсәләни габарданлар гашынмајан јердән ган чыхармаг истәјәнләрдир. Бунлар гејри-дәгиг мәлуматлардыр, әҝәр әлиниздә факт варса, гојун ортаја, онда данышаг”.
Мәсәлә илә бағлы ДЕВАММ сәдри Һаҹы Илгар Ибраһимоғлу белә шәрһ вермишдир: "Әҝәр сөзүҝедән иддиалар тәсдигини тапарса, бу, инсан һаглары бахымындан бөјүк проблемин јашандығы демәк оларды. Истәр әсҝәрләрин, истәрсә дә забитләрин дини ајинләри иҹра етмәси - Конститусија вә ганунларала бирмәналы олараг тәсбит едилән һүгуглардандыр. Бунлары мәһдудлашдырмаг - инсан һагларыны позмаг һалы олараг, позан тәрәф үчүн мәсулијјәт јарадыр. Ҹинајәт Мәҹәлләсинин 167-ҹи маддәсинә әсасән, белә әмәлләр ҹинајәт тәркиби јарадыр. Биз әлагәдар гурумлара бу мәсәләни дәгиг вә објектив арашдырмаг үчүн мүраҹиәт едирик".
Диггәт: Хәбәрдән истифадә етдикдә мәнбәјә истинад лазымдыр
