Әһли Бејт -АБНА- хәбәр аҝентлијинин вердији хәбәрә әсасән: Бир мүддәт әввәл Азәрбајҹанын фөвгәладә һаллар назири Кәмаләддин Һејдәровун дүшмән Ермәнистанда бизнесинин олмасы барәдә мәлуматлар јајылды. Хатырладаг ки, әслиндә бу мәлуматлар һәр заман мәтбуатда долашыб. Лакин бу дәфә ермәниләрин мүхалиф хәбәр порталлары бу мәсәләдән јазараг, бу ҝүн Ермәнистанын балыг сәнајесинин аз гала тамамынын Кәмаләддин Һејдәровун нәзарәтиндә олдуғуну билдирдиләр. Ејни заманда о да билдирилди ки, Кәмаләддин Һејдәров һәм дә диҝәр гида мәһсулларынын да Ермәнистанда сатышы илә мәшғулдур.
Бу ҝүн исә Ҝүрҹүстанын инҝилисҹә нәшр олунан «Тһе Финанҹиал» гәзети азәрбајҹанлы мәмурун Ермәнистанын балыгчылыг сәнајесинә вердији «төһвәдән» јазыб. Мәлуматда билдирилир ки, Азәрбајҹан суларынын чиркли олмасы сәбәбиндән вә ејни гајдада Ҝүрҹүстанда мүнасиб шәраитин олмамасына ҝөрә, бу ҝүн Ермәнистан Ҹәнуби Гафгазын ән бөјүк балыг јетишдирән өлкәсидир:
«Һазырда Ермәнистанда балыг јетишдирән 200-дән артыг фабрик вар вә онларын бөјүк һиссәсинин мәһсуллары Азәрбајҹанын фөвгәладә һаллар назири Кәмаләддин Һејдәрова аид олдуғу билдирилән «Ҹаспиан Фисһ» ширкәти тәрәфиндән сатыша чыхарылыр. Гејд едәк ки, бу әлагә нәтиҹәсиндә сатыша бир ил әрзиндә 5 мин тон балыг вә балыг мәһсуллары сатыша чыхарылыр».
Ҝүрҹүстанын «“Агуафеед Ҝеорҝиа» ширкәтинин рәһбәри Ираклии Патарја да бу әлагәләри тәбии адландырыб вә билдириб ки, Ермәнистанда балыг јетишдирилмәси даһа чох инкишаф едиб: «Бу бир фактдыр ки, бу ҝүн Ермәнистан Ҝүрҹүстан вә Азәрбајҹандан 10 дәфә артыг балыг јеми алыр».
Ону да билдирәк ки, Кәмаләддин Һејдәрова аид олдуғу билдирилән «Ҹаспиан Фисһ»ин дүшмән Ермәнистанла әлагәләри бир заманлар милли тәһлүкәсизлик назири постуну тутан Намиг Аббасов тәрәфиндән ифша олундуғу сөјләнилир. Вә елә бу «ифша» да јекунда сөзүҝедән шәхсин постуну итирмәси илә нәтиҹәләниб.
Диггәт: Хәбәрдән истифадә етдикдә мәнбәјә истинад лазымдыр
