Әһли Бејт -АБНА- хәбәр аҝентлијинин вердији хәбәрә әсасән: Әфганыстан президенти Һәмид Кәрзајын мүшавири Ҹан Мәһәммәд Хан вә өлкә парламентинин ашағы палатасынын депутаты Мәһәммәд Һәшим Вәтәнвәл гәтлә јетирилибләр. Онлар дүнән ахшам Ханын евиндә шам јемәји заманы ҝүлләләнибләр. Һүҹум јерли вахтла саат 20.00-да олуб.
"Әл Ҹәзирә" билдирир ки, Президент мүшавиринин евинә басгын едән 5 нәфәр онларын гаршысыны кәсмәјә чалышан мүһафизәчиләри, сонра да ев саһиби вә гонаглары ҝүлләбаран едибләр.
Әфганыстанын ДИН башчысы Сиддиг Сиддигинин дедијинә ҝөрә, билаваситә гәтлдә 2 нәфәр иштирак едиб: "Онлар "ҹанлы бомба" дејилдиләр, автомат вә пулемјотла силаһланмышдылар. АК-47 автоматы вә гумбараатанла силаһланмыш даһа бир шәхс тутулуб".
Әввәлләр Урузган вилајәтинин губернатору олмуш Ҹан Мәһәммәд Хан Кабулда ҝүлләләндији ҝүн Әфганыстанын тәһлүкәсизлик гүввәләри Бамиан вилајәтинә нәзарәти НАТО Ишғалчыларындан гәбул едибләр.
Дүнән Әфганыстандакы Ишғалчы НАТО континҝентинин команданы ҝенерал Девид Петреусун да Кабулда сон иш ҝүнү иди.
Бүтүн бунлар НАТО Ишғалчыларынын Әфганыстан јерли һөкүмәтинә гаршы апардыглары һәрби пропагандаларынын ҝөстәриҹисидир.
Хатырладаг ки, Әфганыстан һөкүмәти дәфәләрлә хариҹи һәрби гүввәләрин бу өлкәдән дәрһал чыхмасыны тәләб етмиш вә бу өлкәјә вурдуглары мадди вә мәнәви зијанларын әвәзинин өдәмәсини тәләб етмишләр.
Диггәт: Хәбәрдән истифадә етдикдә мәнбәјә истинад лазымдыр
