Әһли Бејт -АБНА- хәбәр аҝентлијинин вердији хәбәрә әсасән: Бу илин әввәлләриндә Ишғалчы АБШ сенаторлары Түркијәдә јерләшдириләҹәк Ракет Әлејһинә Мүдафиә (РӘМ) елементләринин Ҝүрҹүстан, јахуд Азәрбајҹанда јерләшдирилмәси илә бағлы тәклиф ирәли сүрдү. Буҝүнләрдә истибдадчы дөвләт катиби Һиллари Клинтонун Түркијәјә сәфәри заманы Дөвләт Департаменти вә Пентагона тәкрар мүраҹиәт едиб. Клинтонун Анкарада Америка радарларынын Түркијәдә јерләшдирилмәси имканларыны мүзакирә едәҹәји ҝөзләнилир. Лакин радарларын Ҹәнуби Гафгазда јерләшдирилмәсинин мүмкүнлүјү дә истисна олунмур.
Хатырладаг ки, бундан әввәл Русија АБШ-а јени РӘМ системинин јерләшдирилмәсиндән имтина едәрәк бунун әвәзиндә Гәбәлә РЛС-дән дахил олан информасијадан истифадәни тәклиф едиб. Лакин АБШ Гәбәлә РЛС-ин көһнә олдуғуну билдирәрәк бу идејадан имтина едиб.
Сенаторларын тәклифинин ҝерчәкләшмәси нә дәрәҹәдә реал ҝөрсәнир вә Русија буна нә кими манечиликләр төрәдә биләр?
Һәрби експерт, “Доктрина” Ыҹтимаи Бирлијинин рәһбәри Ҹәсур Сүмәринлинин фикринҹә, АБШ тәрәфдән бу тип бәјанатларын сәсләндирилмәси өлкәмиз үчүн фајдалыдыр. Лакин Азәрбајҹан мәсәләни тәкбашына галдырса, Русијанын тәзјигләри илә үзләшә биләр: “Азәрбајҹан бу мәсәләдә Гәрбин, хүсусилә АБШ-ын дәстәјинә еһтијаҹ дујур. Өз мөвгеләринин мөһкәмләндирилмәси, шәртләрин ортаја гојулмасы үчүн мәһз Гәрб Азәрбајҹана дәстәк вермәлидир”.
Експертин сөзләринә ҝөрә, Азәрбајҹан Москванын шәртләри илә разылашса, јахын илләрдә Гәбәлә РЛС Русијанын Азәрбајҹандакы һәрби базасына чеврилә биләр. Бу да реҝионун тәһлүкәсизлик дүзәнинә мәнфи тәсир едәҹәк.
Диггәт: Хәбәрдән истифадә етдикдә мәнбәјә истинад лазымдыр
